នគរបាលចាប់យុវជនម្នាក់វ៉ៃខ្នោះសង្ស័យករណីជួញដូរគ្រឿងញៀន
ខេត្តកណ្តាល(សភារាជ)
ហេតុការណ៍កើតឡើងនៅថ្ងៃអង្គារ៍ ១២ រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០២ ខែវិឆិ្ឆកា ឆ្នាំ ២០២១ វេលាម៉ោង១៥ និង១៨នាទីរសៀល។
នៅចំណុចភូមិដើមឬស ឃុំដើមឬស ស្រុកកណ្តាលស្ទឹង ខេត្តកណ្តាល ។
ជនសង្ស័យ០១ នាក់ឈ្មោះកន សុខលីន ភេទប្រុស អាយុ២៤ឆ្នាំ ជនជាតិខ្មែរ មានទីលំនៅ ភូមិត្រពាំងស្លា ឃុំព្រះនិព្វាន ស្រុកគងពិសី ខេត្តកំពង់ស្ពឺ។(ឃាត់ខ្លួន)
វត្ថុតាងចាប់យកម្សៅក្រាមសថ្លាសង្ស័យជាសារធាតុញៀន(ម៉ាទឹកកក)ចំនួន១៤ កញ្ចប់មធ្យមនឹងទូរសព្ទដៃចំនួន ០១គ្រឿង ម៉ាកViVO ពណ៍ខៀវកូនកាបូបដៃចំនួនមួយ។
សូមបញ្ចាក់ថាៈបើយោងតាមសមត្ថកិច្ចឲ្យដឹងនៅថ្ងៃកើតហេតុខាងលើកម្លាំងផ្នែកជំនាញ និងកម្លាំងប៉ុស្តិ៍រដ្ឋបាលដើមឬស បានចេញល្បាតតាមភូមិសាស្ដ្រងាយរងគ្រោះក៏បានជួបនិងជនសង្ស័យកំពុងតែ ឈរនៅចិញ្ចើមផ្លូវហើយមានកូនកាបូបដៃចំនួន០១ដាក់ក្នុងហោប៉ៅក្រោយខាងឆ្វេងនៅចំណុចមុខផ្ទះជាងធ្វើម៉ូតូហើយខណៈពេលនោះដោយមានការសង្ស័យកម្លាំងយើងក៏បានជិះម៉ូតូចូលដើម្បីសួរនាំ នឹង ឆែកឆេរក៏រកឃើញថ្នាំញៀនចំនួន១៤ កញ្ចប់មធ្យមដែលជនសង្ស័យបានលាក់ទុកក្នុងកាបូប។ភ្លាមនោះកម្លាំងសមត្ថកិច្ចយើងក៏បានធ្វើការឃាត់ខ្លួនជនសង្ស័យរួមនឹងវត្ថុតាងមកកាន់អធិការដ្ឋានស្រុកតែម្តង។ បើតាមចម្លើយសារភាពរបស់ជនសង្ស័យបានឆ្លើយសារភាពថាថ្នាំញៀននេះពិតជារបស់ខ្លួនពិតប្រាដកមែនដោយខ្លួនបានទិញពីឈ្មោះភារម្យ ភេទប្រុស អាយុ ប្រហែល ៤៣ឆ្នាំ នៅភូមិត្រពាំងស្លា ឃុំ ព្រះនិព្ពាន ស្រុកគងពិសីខេត្តកំពង់ស្ពឹ។ក្នុងតម្លៃ ៤៥០០០០ រៀល (សែសិបប្រាំមុឺនរៀល)ដើម្បីយកមកលក់បន្ត។ហើយខ្លួនបានជួញដូរថ្នាំញៀននេះបរយះពេល៣ខែហើយខ្លួនធ្លាប់ពន្ធនាគារម្តងរួចមកហើយ រយះពេល ៩ខែ ពីបទ លួច( ម៉ាសុីនដេរ )ប្រព្រឹត្តនៅ ភូមិត្រពាំងស្លា ឃុំព្រះនិព្ពាន ស្រុកគងពិសី ខេត្តកំពង់ស្ពឺ ។
ជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់ ។
