រថយន្តពីរគ្រឿងព្រលះគ្នា សំណាងដែរគ្មានអ្នករបួស នៅស្រុកបកែវ

ខេត្តរតនគិរី÷ រថយន្តហ្វតមួយគ្រឿង បានបុកគ្នាជាមួយរថយន្តកាមរីហើម ក្នុងទិសដៅបញ្ច្រាសគ្នា​ បណ្ដាលឲ្យរថយន្តទាំងសងខាងរងការខូចខាតយ៉ាងដំណំ តែសំណាងល្អគ្មានគ្រោះថ្នាក់ដល់អាយុជីវិតអ្នកបើកបរឬអ្នកដទៃឡើយ។

គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១១នឹង៣០នាទីព្រឹករំលងអាធ្រាត ថ្ងៃទី២៣ ខែកក្កដា ឆ្នាំ២០១៨ នៅលើដងផ្លូវជាតិលេខ78A ទុលមុខឃ្លាំងលោកពៅ ស្ថិតនៅភូមិត្រុំ ឃុំឡាម៉ិញ ស្រុកបរកែវ ខេត្តរតនគិរី។

នគរបាលប៉ុស្តិ៍ឡាមុិញ បានឲ្យដឹងថា រថយន្តទាំងពីរគ្រឿននោះ មួយគ្រឿងម៉ាកហ្វ៊ត ២បាំង ពណ៌ទឹកក្រូច ពាក់ស្លាកលេខ ភ្នំពេញ 2AU-2266 បើកបរដោយ​ឈ្មោះ យ៉ាំ ស៊ីងស៊ីង ភេទប្រុស អាយុ១៩ឆ្នាំ  រស់ភូមិសន្សំកុសល សង្កាត់បឹងទំពុន១ ខណ្ឌមានជ័យ រាជធានីភ្នំពេញ។

រីឯរថយន្តមួយគ្រឿងទៀត ម៉ាកកាមរីហើម ពណ៌ប្រផេះ ពាក់ស្លាកលេខភ្នំពេញ 2A-8393 អ្នកបើកបរមិនស្គាល់អត្តសញ្ញាណ ក្រោយកើតហេតុរត់គេចខ្លួនបាត់បន្សល់ទុករថយន្តនៅកន្លែងកើតហេតុ។

ក្រោយកើតហេតុ រថយន្តទាំង២គ្រឿង ត្រូវបាន​កម្លាំងប៉ុស្តិ៍ឡាម៉ិញ អូស​យកមករក្សាទុកដើម្បីរង់ចាំធ្វើការដោះស្រាយនៅពេលក្រោយ៕ដោយ តាជួង