រថយន្តស៊េរីទំនើបមួយគ្រឿង ជាន់ហ្រ្វាំងមិនស៊ី បានបុករះម៉ូតូនិងរថយន្ថ រងការខូចខាត និងបណ្តាលអោយបុរសម្នាក់រងរបួស យ៉ាងធ្ងន់ធ្ងរ ជិតផ្សារសុវណ្ណា

ភ្នំពេញ៖ គ្រោះថ្នាក់ចរាចណ៍មួយបានកើតឡើងបង្កដោយរថយន្តសេរីទំនើប១គ្រឿង បានទៅបុកម៉ូតូ១គ្រឿងបណ្តាលអោយបុរសម្នាក់រងរបួស ហើយរថយន្តនៅមិនទាន់អស់ល្បឿនក៏បានជ្រុលទៅបុករថយន្ត មួយគ្រឿងទៀតបណ្តាលអោយរងការខូចខាតយ៉ាងដំណំ ទើបអស់ល្បឿនទៅមុខលែងរួច ហេតុការណ៍នេះបានកើតឡើងនៅតាម ផ្លូវផ្លទីនីម លេខP01 ច្រកចូលផ្សារសុវណ្ណា ដែលស្ថិតក្នុងសង្កាត់ទំនប់ទឹក ខណ្ឌចំការមនរាជធានីភ្នំពេញ។

ក្នុងហេតុការណ៍នោះមាន រថយន្តបង្ក ស៊េរីទំនើប មិនស្គាល់ម៉ាក ពណ៌ស ស្លាកលេខ ភ្នំពេញ2AQ-0689 បើកបរដោយបុរសម្នាក់មិនស្គាល់អត្តសញ្ញាណ រីឯម៉ូតូបើកបរដោយបុរសម្នាក់ដែលរងរបួសស្រាលជិះម៉ូតូម៉ាកហុងដាឌ្រីមស៊េរី២០១០ ស្លាកលេខភ្នំពេញ1BL-0410 និងរថយន្ត Hilux ពណ៌ខ្មៅស្លាកលេខ2F-5042 ។

ប្រភពព័ត៌មានពីសាក្សីដែលបានឃើញក្នុងហេតុការណ៍នេះបានប្រាប់អោយដឹងថា នៅមុនពេលកើតហេតុរថយន្តបង្កបានបើកចុះពីស្ពានអាកាសស្ទឹងមានជ័យ ឆ្ពោះមកច្រកចូលផ្សារសុវណ្ណា ពេលដែលមកដល់ចំណុចកើតហេតុស្រាប់តែ រថយន្តនោះជាន់ហ្វ្រាំងលែងជាប់ ម្ចាស់រថយន្តនោះក៏បានជ្រុលទៅបុកនឹងម៉ូតូមួយគ្រឿងដែលបើកបញ្ច្រាសទិសគ្នា បណ្តាលអោយអោយបុរសម្នាក់ដែលជាអ្នកបើកម៉ូតូនោះលោតចេញពីម៉ូតូរងរបួសស្រាល។

ប្រភពដដែលបានបន្តទៀតថា រថយន្តបង្កនោះនៅមិនទាន់អស់ល្បឿននៅឡើយទេ ក៏បានបន្តទៅមុខជ្រុលទៅបុកនិងរថយន្ត Hilux មួយគ្រឿងទៀត បណ្តាលអោយរងការខូចខាតយ៉ាងដំណំ ទើបរថយន្តបង្កនោះអស់ល្បឿនទៅមុខលែងរួចតែម្តង។

ក្រោយពេលម្ចាស់រថយន្តបង្កមិនបានគេចខ្លួនទៅណាទេហើយរូបគាត់ក៍មិនបានប្រកែកយកត្រូវដែរ គឺព្រមចេញថ្លៃការខូចខាតទាំងអស់ និងបានជួយដឹកជនរងគ្រោះទៅមន្ទីរពេទ្យដើម្បីពិនិត្យព្យាបាលរបួសផងដែរ៕