កម្លាំងសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ ធ្វើការឃាត់ខ្លួនជនសង្ស័យម្នាក់ពាក់ព័ន្ធនឹងករណី ជួញដូរគ្រឿងញៀន

ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ ធ្វើការឃាត់ខ្លួនជនសង្ស័យម្នាក់ពាក់ព័ន្ធនឹងករណី ជួញដូរគ្រឿងញៀន កាលឃាត់ខ្លួននេះបានធ្វើឡើងកាលពីវេលាម៉ោង៥ និង៣០នាទីព្រឹកថ្ងៃទី២៣ខែកក្កដា ឆ្នាំ២០១៨ នៅតាមបណ្ដោយផ្លូវលំ ស្ថិតក្នុងភូមិដំណាក់ធំ ៣ សង្កាត់ស្ទឹងមានជ័យទី៣ ខណ្ឌមានជ័យរាជធានីភ្នំពេញ ។ ជនសង្ស័យមានឈ្មោះប៉ោង ចាន់ណារំ ភេទប្រុសអាយុ ៣៥ឆ្នាំមុខរបរ រើសចាយ មានទីលំនៅមិនពិតប្រាកដ ។

យោងតាមសម្ដីរបស់លោក ឯម ភារី នាយប៉ុស្តិ៍នគរបាលស្ទឹងមានជ័យទី៣បាន ប្រា ប់ឲ្យដឹងថា នៅវេលាម៉ោង៥ និង៣០នាទីព្រឹកថ្ងៃទី ២៣ ខែកក្កដាឆ្នាំ២០១៨ កម្លាំងនគរបាលរដ្ឋបាលប៉ុស្តិ៍ស្ទឹងមានជ័យ៣ បានចុះធ្វើការល្បាតនៅក្នុងភូមិសាស្ត្រ លុះមកដល់និងចំណុចភូមិដំណាក់ធំ៣ ក៏បានឃើញជនសង្ស័យខាងលើកំពុងលក់ថ្នាំញៀន កម្លាំងក៏បានធ្វើការឃាត់ខ្លួននិងត្រួតពិនិត្យប្រទះឃើញថ្នាំញៀនចំនួន ៥កញ្ចប់តូចហើយបានឃាត់ខ្លួនជនសង្ស័យមកធ្វើការសាកសួរតែម្ដង ។

បច្ចុប្បន្នជនសង្ស័យកំពុងធ្វើការសាកសួរនៅប៉ុស្តិ៍នគរបាលរដ្ឋបាលស្ទឹងមានជ័យទី៣និងកសាងសំណុំរឿងបញ្ជូនទៅកាន់អធិការដ្ឋាននគរបាលខណ្ឌមានជ័យដើម្បីកសាងសំណុំរឿងបញ្ជូនទៅតុលាចាត់ការតាមនិតិវិធីច្បាប់៕វុត្ថា