ឯកឧត្តម ស សុខា ចុះជួបសំណេះសំណាលសួរសុខទុក្ខ និងប្រគល់អំណោយជូនមណ្ឌលកុមារកំព្រា ទាំង ៤ ក្នុងខេត្តព្រៃវែង
ព្រៃវែង ៖ នៅព្រឹកថ្ងៃទី១៧ ខែតុលា ឆ្នាំ ២០២០នេះ ឯកឧត្តម ស សុខា តំណាងដ៏ខ្ពង់ខ្ពស់សម្តេចក្រឡាហោម ស ខេង ប្រធានក្រុមការងារគណបក្សខេត្តព្រៃវែង ចុះជួបសំណេះសំណាលសួរសុខទុក្ខថ្នាក់ដឹកនាំ លោកគ្រូ អ្នកគ្រូ និងបុគ្គលិក ព្រមទាំងប្អូនៗ ក្មួយៗ មកពីមណ្ឌលកុមារកំព្រាទាំង ៤ ក្នុងខេត្តព្រៃវែង។
ក្នុងឱកាសនោះ ក៏បានប្រគល់ជូននូវអំណោយជាគ្រឿងឧបភោគ-បរិភោគ សម្ភារៈប្រើប្រាស់ សម្ភារៈលេង និងថវិកាមួយចំនួន ជូនដល់មណ្ឌលកុមារកំព្រាទាំង ៤ រួមមាន ៖ មជ្ឈមណ្ឌលកុមារកំព្រាខេត្ត , ភូមិ SOS , អង្គការមូលនិធិអភិវឌ្ឍសហគមន៍កម្ពុជា និងអង្គការមូលនិធិ នៃក្តីសង្ឃឹម ផងដែរ។
ពិធីសំណេះសំណាលសួរសុខទុក្ខ និងប្រគល់អំណោយជូនដល់មណ្ឌលកុមារកំព្រាទាំង ៤ ក្នុងខេត្តព្រៃវែង រៀបចំដោយក្រុមការងារអភិវឌ្ឍយុវជនខេត្តព្រៃវែង ៕
