កិច្ចប្រជុំស្តីពីការណែនាំនីតិវិធីការឧបត្ថម្ភសាច់ប្រាក់ដល់គ្រួសារក្រីក្រ (ក្រ១ និងក្រ២) និងគ្រួសារងាយរងគ្រោះក្នុងកំឡុងពេលជំងឺកូវីដ-១៩
ខេត្តកណ្តាល ៖ នៅព្រឹកថ្ងៃសៅរ៍ ៧កើត ខែអាសាឍ ឆ្នាំជូតទោស័ក ព.ស ២៥៦៤ ត្រូវនឹងថ្ងៃទី២៧ ខែមិថុនា ឆ្នាំ២០២០ រដ្ឋបាលស្រុកល្វាឯម បានរៀបចំកិច្ចប្រជុំស្តីពីការណែនាំនីតិវិធីការឧបត្ថម្ភសាច់ប្រាក់ដល់គ្រួសារក្រីក្រ (ក្រ១ និងក្រ២) និងងាយរងគ្រោះក្នុងកំឡុងពេលជំងឺកូវីដ-១៩ (COVID-19) ក្រោមអធិបតីភាព ឯកឧត្តម នុត ពុធដារ៉ា អភិបាលរងខេត្ត តំណាងឯកឧត្តម គង់ សោភ័ណ្ឌ អភិបាលខេត្ត ព្រមទាំងបានចូលរួមពីសំណាក់លោក កន សុខកាយ អភិបាល នៃគណៈអភិបាលស្រុក។
សមាសភាពចូលរួមពី លោក-លោកស្រីប្រធានមន្ទីរពាក់ព័ន្ធជុំវិញខេត្ត, អភិបាលរងស្រុក, នាយក-នាយករងរដ្ឋបាលស្រុក, ប្រធានការិយាល័យជុំវិញស្រុក, មន្ត្រីរាជការសាលាស្រុក, មេឃុំ-ស្មៀនឃុំទាំង១៥ឃុំ ព្រមទាំងមេភូមិទាំង ៤៣ទូទាំងស្រុក សរុបវត្តមានចូលរួមចំនួន ៨៨នាក់ ស្រី ១១នាក់ ៕
