ឯកឧត្តមអភិបាលខេត្តស្វាយរៀង ចុះពិនិត្យការចាក់ដីធ្វើច្រាំងទន្លេវ៉ៃគោ និងទីតាំងចាក់ដីបំពេញជាប់របងវិទ្យាល័យស្វាយរៀងតាមបណ្តោយផ្លូវជាតិលេខ១

ស្វាយរៀង​ ៖​ នៅថ្ងៃសុក្រ៨រោច ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៦ ខែមករា ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង អមដំណើរដោយលោកនាយកទីចាត់ការហិរញ្ញវត្ថុសាលាខេត្ត លោកប្រធានមន្ទីរ-អង្គភាពជំនាញ ពាក់ព័ន្ធ​ បានអញ្ជើញចុះពិនិត្យការស្ថាបនាច្រាំងទន្លេវ៉ៃគោ​ (ទំនប់តាណេង)​ បន្ថែម ផ្នែកខាងជើង និងផ្នែកខាងត្បូង ក្នុងនោះ​ ចាក់ពង្រីកនូវច្រាំងទន្លេតាមបណ្តោយផ្លូវជាតិលេខ១​ ភ្ជាប់ពីច្រាំងផ្នែកខាងលិច​ ទៅកើតដល់គល់ស្ពានហាយវេ​ មានប្រវែង​ ២២០ម៉ែត្រ និងផ្នែកខាងត្បូងចាប់ពីច្រាំងខាងលិច​ ដល់គល់ស្ពានតាហោ។

ក្រោមការដឹកនាំក្នុងអាណត្តិរបស់ឯកឧត្តម ម៉ែន វិបុល អភិបាលខេត្ត ឯកឧត្តម បានក៏សាងនូវសមិទ្ធផលធំជាច្រើនសម្រាប់កូនចៅជំនាន់ក្រោយ ហើយច្រាំងទន្លេនេះ នឹងមានការរៀបចំក្រាលការ៉ូឡា សួនច្បារសាធារណៈ ការបំពាក់នូវសម្ភារៈហាត់ប្រាណ ការរៀបចំឲ្យមានចំណតរថយន្តសម្រាប់ភ្ញៀវទេសចរណ៍ជាដើម។

សម្រាប់ទីតាំងជាប់របងវិទ្យាល័យស្វាយរៀងផ្នែកខាងជើង​ ជាប់ផ្លូវជាតិលេខ១ ក្នុងពេលឆាប់ៗខាងមុខនេះ និងរៀបចំចាក់ដីបំពេញ ដើម្បីសម្រួលដល់ការធ្វើដំណើររបស់សិស្សានុសិស្សពេលចេញពីសាលា ក៏ដូចជាការកែលម្អរសោភ័ណភាពនៅទីនោះ។ សមិទ្ធផលទាំងនេះ ក្រោយស្ថាបនារួចរាល់​ និងចូលរួមចំណែកជាមួយរាជរដ្ឋាភិបាលក្នុងលើកកម្ពស់សោភ័ណភាពក្នុងខេត្តឲ្យកាន់តែល្អប្រសើរឡើងថែមទៀត៕