កម្លាំងនគរបាល ចុះបង្ក្រាបសង្វៀនជល់មាន់មួយកន្លែង នៅឃុំវឌ្ឍនៈ ស្រុកសំបូរ
ក្រចេះ ៖ នារសៀលថ្ងៃទី២១ ខែធ្នូ ឆ្នាំ២០១៩ កម្លាំងជំនាញផែនព្រហ្មទណ្ឌនៃអធិការដ្ឋាននគរបាលស្រុកសំបូរ សហការជាមួយកម្លាំងប៉ុស្តិ៍នគរបាលរដ្ឋបាលឃុំកំពង់ចាម បានចុះបង្ក្រាបល្បែងស៊ីសង (ជល់មាន់) មួយកន្លែងនៅចំណុចត្រពាំងត្រាំដុំ ភូមិវឌ្ឍនៈ ឃុំវឌ្ឃនៈ ស្រុកសំបូរ ខេត្តក្រចេះ។
នៅពេលសមត្ថកិច្ចចុះទៅដល់ទីតាំងជល់មាន់ អ្នកលេងបានរត់ចែកជើងគ្នាបាត់អស់ ដោយចាប់បានតែវត្ថុតាងរួមមាន ៖ ម៉ូតូ ០៣គ្រឿង, មាន់ ០៤ក្បាល, សម្ភារៈបម្រើឲ្យការជល់មាន់មួយចំនួន រួមនិងសម្ភារៈល្បែងអាប៉ោងផងដែរ។
ក្រោយពីសមត្ថកិច្ចបង្ក្រាបរួច ក៏បានរុះរើ និងកម្ទេចចោលនៅនឹងកន្លែងតែម្តង ៕
