លោកយាយ លោកតា ចំនួន ២២០នាក់ បានទទួលអំណោយមនុស្សធម៌ពីសម្តេចតេជោ និងសម្តេចកិត្តិព្រឹទ្ធបណ្ឌិត
ភ្នំពេញ ៖ នៅព្រឹកថ្ងៃទី២២ ខែវិច្ឆិកា ឆ្នាំ២០១៩នេះ លោកជំទាវ ហ៊ុន ម៉ាណា បាននាំយកអំណោយមនុស្សធម៌របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មកចែកជូនលោកយាយ លោកតា ចំនួន ២២០នាក់ ស្ថិតនៅក្នុងបរិវេណវត្តចន្ទបុរីវង្ស នៅភូមិសំរោងជើង សង្កាត់សំរោង ខណ្ឌព្រែកព្នៅ រាជធានីភ្នំពេញ។
អំណោយមនុស្សធម៌ ដែលផ្តល់បានជូនលោកយាយ លោកតា ក្នុងម្នាក់ៗទទួលបាន ៖ គ្រឿងឧបភោគ-បរិភោគ, ថវិកាមួយចំនួន និងប្រគេនទេយ្យទានដល់ព្រះសង្ឃ ព្រមទាំងរៀបចំពិសារអាហារសាមគ្គីមួយពេលយ៉ាងឈ្ងុយឆ្ងាញ់ ប្រកបដោយភាពស្និទ្ធស្នាលបំផុត ៕
