Range Rover ស៊េរីទំនេីប បេីកបរខ្វះការប្រុងប្រយ័ត្ន ជ្រុលចង្កូតទៅបុករថយន្តឡិចសុីស និងទៅបុករថយន្តកាមរីមួយទៀត ដែលចតស្ងៀមអែបសួនច្បារពុះចែកផ្លូវ ផ្អេីល…!!!
ភ្នំពេញ ៖ គ្រោះថ្នាក់ចរាចរណ៍មួយកេីតឡេីងដោយ បុរសម្នាក់បេីករថយន្តស៊េរីទំនេីបមួយគ្រឿង ម៉ាក Range Rover ខ្វះការប្រុងប្រយ័ត្ន ក៏ជ្រុលចង្កូតទៅបុករថយន្ត ឡិចសុីស ពីក្រោយ ហេីយជ្រុលទៅបុករថយន្ត កាមរី ១គ្រឿងទៀត ដែលចតអែបសួនច្បារពុះចែកផ្លូវ បណ្ដាលឲ្យរងការខូចខាតទាំងសងខាង ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោងជាង១០យប់ ថ្ងៃទី០៩ ខែសីហាឆ្នាំ២០១៩នេះ នៅតាមផ្លូវរដ្ឋសភា ទល់មុខណាហ្គា-2 (Naga II) សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
យោងតាមប្រភពព័ត៍មានពីកន្លែងកើតហេតុបានអោយដឹងថា ៖ មុនពេលកើតហេតុ គេបានឃើញ បុរសម្នាក់ បេីករថយន្តស៊េរទំនេីបម៉ាក Range Rover ១គ្រឿង ពណ៍ខ្មៅ ពាក់ស្លាកលេខភ្នំពេញ2AL-9799 ធ្វេីដំណេីរតាមបណ្តោយផ្លូវរដ្ឋសភា ក្នុងទិសដៅពីត្បូងទៅជេីង ក្នុងល្បឿនលឿន ខណ:ពេលមកដល់កន្លែងកេីតហេតុ ទល់មុខណាហ្គា ក៏ជ្រុលចង្កូតទៅបុករថយន្ត ឡិចសុីស RX 300 ១គ្រឿង ពីក្រោយ ដែលមានពាក់ស្លាកភ្នំពេញ2AO-1715 កំពុងធ្វេីដំណេីរស្របគ្នា ខណ:មិនទាន់អស់ល្បឿន រថយន្តRange Rover ខាងលេី ក៏បន្តជ្រុលទៅបុករថយន្តកាមរី ១គ្រឿង ពាក់ស្លាកលេខភ្នំពេញ2H-3565 ដែលចតអែបសួនច្បារពុះចែកផ្លូវ បណ្ដាលឲ្យរងការខូចខាតទាំង៣គ្រឿងខ្ទេចយ៉ាងដំណំ តែសំណាងល្អមិនបង្កអោយមានមនុស្សរងរបួសនោះឡើយ ។
បច្ចុប្បន្នក្រោយពេលកើតហេតុ ម្ចាស់រថយន្តស៊េរីទំនេីប Range Rover បានសងសំណងដល់ភាគីរថយន្តទាំងពីរគ្រឿងខាងលេី ដេីម្បីបញ្ចប់រឿងនៅកន្លែងកេីតហេតុតែម្តង ៕
