ស្រែកឆោឡោឡើង ទន្ទឹងមនោះកម្លាំងល្បាតនគរបាលប៉ុស្តិ៍ស្ទឹងមានជ័យទី១ បានដេញចាប់ឃាត់ខ្លួនជនសង្ស័យឈ្មោះ អ៊ូ គឹមស្រៀង យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១តែម្តង

ភ្នំពេញ៖ នៅថ្ងៃ ពុធ ៧កើត ខែ ស្រាពណ៍ ឆ្នាំ កុរ ឯកស័ក ពស ២៥៦៣ ត្រូវនឹងថ្ងៃទី ០៧ ខែ កក្កដា ឆ្នាំ ២០១៩ វេលាម៉ោង១៩ម÷០០នាទី នៅចំណុចក្រោមស្ពានអាកាសស្ទឹងមានជ័យ មុខផ្ទះលេខB ៨៣ ផ្លូវ២៧១ ​ភូមិ មានជ័យ១ សង្កាត់ ស្ទឹងមានជ័យទី១ ខណ្ឌ មានជ័យ រាជធានី​ភ្នំពេញ ។

ជនសង្ស័យឈ្មោះ អ៊ូ គឹមស្រៀង ភេទ ប្រុស អាយុ ២០ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ​​ភូមិ មានជ័យ១ សង្កាត់ ស្ទឹងមានជ័យទី១ ខណ្ឌ មានជ័យ រាជធានី​ភ្នំពេញ មុខរបរ មិនពិតប្រាកដ (ឃាត់ខ្លួនមានផ្ទុកសារធាតុញៀន) ។

​​ជនរងគ្រោះឈ្មោះ មាស ស៊ីនួន ភេទ ស្រី អាយុ ២២ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ​​ភូមិ ត្នោតជ្រុំ សង្កាត់ បឹងទំពន់ទី២ ខណ្ឌ មានជ័យ រាជធានី​ភ្នំពេញ មុខរបរ បុគ្គលិកហាងយីហោស្ពែក ប័រហ្គ័រ ។

​​ វត្ថុតាងចាប់យក ម៉ូតូ០១គ្រឿងម៉ាកនិច ពណ៍ក្រហម សេរី២០១៤ លេខតួ ៣០១២២១,លេខម៉ាស៊ី៣០១២៣២ ពាក់ស្លាកលេខ ភ្នំពេញ 1CB 3619 (ជារបស់ជនរងគ្រោះឈ្មោះ មាស ស៊ីនួន ) និង សោរទីបលេខ៨មានរុំស្កុតខ្មៅ ចំនួន ០១ (ជារបស់ជនសង្ស័យឈ្មោះ អ៊ូ គឹមស្រៀង) ។​

​​ប្រភពព័ត៌មានបានអោយដឹងថា កាលពីថ្ងៃទី ០៧ ខែ កក្កដា ឆ្នាំ ២០១៩ វេលាម៉ោង១៩÷០០នាទី ជនរងគ្រោះឈ្មោះ មាស ស៊ីនួន បានជិះម៉ូតូ០១គ្រឿងម៉ាកនិច ពណ៍ក្រហម សេរី២០១៤ ពាក់ស្លាកលេខ ភ្នំពេញ 1CB 3619 មកលេងផ្ទះបងប្រុសឈ្មោះ មាស វិឆៃ នៅក្រោមស្ពានអាកាសស្ទឹងមានជ័យ ផ្ទះលេខB ៨៣ ផ្លូវ២៧១ ភូមិមានជ័យ១ សង្កាត់ ស្ទឹងមានជ័យទី១ ខណ្ឌមានជ័យ រាជធានី​ភ្នំពេញ។ 

ពេលមកដល់ជនរងគ្រោះឈ្មោះ មាស ស៊ីនួន បានចាក់សោរកម៉ូតូចតទុកនៅមុខផ្ទះ រួចចូលទៅក្នុងផ្ទះអង្គុយលេង ពេលនោះជនសង្ស័យឈ្មោះ អ៊ូ គឹមស្រៀង បាន ដើរមកធ្វើសកម្មភាពយកដែកចុងស្រួចកាច់សោរកម៉ូតូរបស់ជនរងគ្រោះ បញ្ឆេះជិះគេចខ្លួន តែជនរងគ្រោះឈ្មោះ មាស ស៊ីនួន បានចេញមកឃើញទាន់ក៏បានស្រែកឆោឡោឡើង ទន្ទឹងមនោះកម្លាំងល្បាតនគរបាលប៉ុស្តិ៍ស្ទឹងមានជ័យទី១ បានដេញចាប់ឃាត់ខ្លួនជនសង្ស័យឈ្មោះ អ៊ូ គឹមស្រៀង យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១តែម្តង ។

បច្ចុប្បន្នជនសង្ស័យឈ្មោះ អ៊ូ គឹមស្រៀង ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕