លោក កេត ម៉ៅ អភិបាលស្រុកសំរោង បានបញ្ជាឲ្យលោកអធិការចុះពិនិត្យ និងហៅម្ចាស់ផ្ទះ បើកបនល្បែងស៊ីសងខុសច្បាប់ នៅផ្សារថ្នល់ទទឹង មកធ្វេីកិច្ចសន្យាបញ្ឈប់

សេចក្តីរាយការណ៍ពីប្រជាពលរដ្ឋមូលដ្ឋាននោះបានឲ្យដឹងថា បនល្បែងស៊ីសងខុសច្បាប់នេះ គឺជាប្រភពបង្កើតអោយមានអំពើហិង្សា អសន្តិសុខសង្គម បទល្មើសលួច ឆក់ប្លន់ ជួញដូរគ្រឿងញៀន កើតមានជាហូរហែរ ដែលកើតចេញពីការចាញ់ល្បែងស៊ីសងខុសច្បាប់ខាងលើនោះ។

យោងតាមច្បាប់ ស្តីពី ការបង្ក្រាបល្បែងស៊ីសង ដែលរដ្ឋសភាបានអនុម័ត កាលពីឆ្នាំ១៩៩៦ បានចែងផ្តន្ទាទោស៖

*អ្នកញៀនល្បែងស៊ីសង ផ្អែកតាម
មាត្រា៤៖ ជនណាលេងល្បែងស៊ីសង ជននោះត្រូវផ្តន្ទាទោស ពិន័យជាប្រាក់ ពី១ម៉ឺនរៀល ដល់ ៥ម៊ឺនរៀល រឺ ដាក់គុកពី១សប្តាហ៍ ដល់ ១ខែ។
ក្នុងករណីពុំរាងចាល ត្រូវផ្តន្ទាទោស ពិន័យជាប្រាក់ ពី៥ម៉ឺនរៀល ដល់ ៥សែនរៀល និងដាក់គុកពី១ខែ ដល់ ១ឆ្នាំ។

*មេបនល្បែងស៊ីសង ផ្អែកតាម
មាត្រា៥៖ ត្រូវផ្តន្ទាទោស ពិន័យជាប្រាក់ ពី ៥លានរៀល ដល់ ២០លានរៀល និងដាក់គុកពី ១ឆ្នាំ ដល់ ៥ឆ្នាំ ចំពោះអ្នកបើកលេងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែងនិងភ្នាក់ងារស៊ីសង។
ក្នុងករណីពុំរាងចាល ត្រូវផ្តន្ទាទោស ពិន័យជាប្រាក់ និងដាក់គុកខាងលើនេះជាអតិបរមា៕