នគរបាលក្រុងបាត់ដំបង បង្ក្រាបករណីលួច និង ឆក់ទូរស័ព្ទដៃ យ៉ាងសកម្មនៅក្នុងក្រុងបាត់ដំបង
បាត់ដំបង ៖ នៅថ្ងៃទី ២៣ ខែកក្កដា ឆ្នាំ២០១៩ លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប និង កម្លាំងជំនាញចុះប្រតិបត្តិការបង្ក្រាប ករណី លួច ( ឆក់ទូរស័ព្ទដៃ ) ០១ករណី ឃាត់ខ្លួនជនសង្ស័យចំនួន ០៣នាក់ ដែលបានធ្វើសកម្មភាព ឆក់ទូរស័ព្ទដៃ របស់ជនរងគ្រោះ ឈ្មោះ វុន សុធារី ភេទស្រី អាយុ ២៣ ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង កាលពីថ្ងៃ២២ ខែកក្កដា ឆ្នាំ ២០១៩ វេលាម៉ោង ១៥:៤០ នាទី នៅចំណុចផ្ទះវីងវេរលុយ ស្ថិតក្នុងភូមិ ជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង។
សម្ភារៈបាត់បង់មាន ៖ ទូរស័ព្ទដៃម៉ាក iphone X ពណ៌ស ០១គ្រឿង
- ជនសង្ស័យចំនួន ០៣ នាក់
១ .ឈ្មោះ ជេត ណូមន្នីវណ្ណ ភេទប្រុស អាយុ ៣១ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
២ .លឿម សុវណ្ណ ហៅ ក្តី ភេទប្រុស អាយុ ៣២ឆ្នាំ មានទីលំនៅភូមិថ្កូវ សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
៣ .ឈ្មោះ សន បញ្ញា ហៅ ង៉ា ភេទប្រុស អាយុ ២៥ឆ្នាំ មានទីលំនៅភូមិកំពង់សំបួរ ឃុំសំរោងក្នុង ស្រុកឯកភ្នំ ខេត្តបាត់ដំបង ( ជាអ្នកទទួលផល ) ។
ក្នុងកិច្ចប្រត្តិបត្តិការនេះវត្ថុតាងចាប់យកមាន៖
– ម៉ូតូ ០១ គ្រឿងម៉ាក HONDA PCX ពណ៌ ស ក្រហម ស៊េរីឆ្នាំ ២០១៩ គ្មានស្លាកលេខ ។
– ទូរស័ព្ទដៃ ០១គ្រឿងម៉ាក iphone X ពណ៌ ស
បច្ចុប្បន្នការិយាល័យជំនាញកំពុងតែធ្វើការកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបងចាត់ការតាមនីតិវិធី៕
