ករណីបុរសម្នាក់បានស្លាប់នៅក្នុងបន្ទប់ឃុំខ្លួននៅប៉ុស្ដិ៍នគរបាលរដ្ឋបាលអូស្មាច់ បានលាតត្រដាងហើយ…
ខេត្តឧត្ដរមានជ័យ÷ ករណីបុរសម្នាក់បានស្លាប់នៅក្នុងបន្ទប់ឃុំខ្លួន នៅក្នុងប៉ុស្ដិ៍នគបាលរដ្ឋបាលសង្កាត់អូស្មាច់ កាលពីវេលាម៉ោងម៉ោង៣រសៀលថ្ងៃទី០៤ខែឧសភាឆ្នាំ២០១៩ កន្លងទៅថ្មីៗនេះ ដែលមហាជនយល់ច្រឡំថា ជារឿងអថ៌កំបាំង នោះ ពេលនេះបានលាតត្រដាង់ការពិតហើយ។
បើយោងទៅតាមរបាយការព៍របស់អធិការក្រុងសំរោង បានបញ្ជាក់ថា÷ករណីបុរសម្នាក់ដែលបានស្លាប់នៅក្នុងបន្ទប់ ឃុំខ្លួននៅក្នុងប៉ុស្ដិ៍នគរបាលរដ្ឋបាលសង្កាត់អូស្មាច់ កាលពីវេលាម៉ោង១៥,០០នាទី ថ្ងៃ០៤ខែឧសភា ឆ្នាំ២០១៩ ឈ្មោះ ធូ ហាត ភេទប្រុស អាយុ៣៧ ឆ្នាំ រស់នៅភូមិ ក្រសាំង សង្កាត់បុស្បូវក្នុងសំរោងខេត្តឧត្ដរមានជ័យ។ ជាករណី អត្តឃាត ចងករសម្លាប់ខ្លួនដោយច្រវ៉ាក់ រិតករខ្លួនឯងបណ្ដាលអោយស្លាប់ នៅក្នុងបន្ទប់ឃុំឃាំង។ របាយការណ៍របស់សមត្ថកិច្ចបានបញ្ជាក់ថា សាសពដែលបានធ្វើអត្តឃាតខាងលើ ជាជនសង្ស័យ រណីខ្ចីម៉ូតូអ្នកភូមិជាមួយគ្នាមួយភ្លែតមកក្រុងសំរោង រហូតដល់ថ្ងៃទី០៤ខែឆ្នាំខាងលើ ក៍ត្រូវបានម្ចស់ម៉ូតូប្ដឹង។
នៅម៉ោងប្រហែល១៤,៣០នាទីឈ្មោះធូ ហាត បានយកម៉ូតូ ម៉ាកវេវពណ៌ខ្មៅលាយក្រហម គ្មានបណ្ណ័សំគល់ យកមកលក់អោយឈ្មោះអឿនពេជ្រ ភេទប្រុសអាយុ ២៧ឆ្នាំ មានទីលំនៅភូមិរួតចំប៉ីសង្កាតអូស្មាច់ ក្រុងសំរោងខេត្តឧត្ដរមានជ័យ។ ដែលមានមុខរបរជាជាងម៉ូតូ ហើយបាននាំគ្នាមកធ្វើសំបុត្រស្នាមនៅនិងប៉ុស្ដិ៍នគរបាល ក៍ត្រូវបានសមត្ថកិច្ចប៉ុស្ដិ៍ធ្វើការឃាត់ខ្លួននិងរាយការណ៍ជូនថ្នាក់លើ។ ហើយការស្លាប់ឈ្មោះធូហាត ដោយមានគណ:កម្មាធិការត្រួតពិនិត្យសាកសព មានសមាសភាពចូលរួមចនួន១១នាក់ ដឹកនាំដោយលោកឧត្ដមសេនីយ៍ត្រីឡឹកសុខាស្នងការរងនគរបាល ផ្នែកព្រហ្ម និងសម្របសម្រួលដោយលោកគង់ រតនា ព្រះរាជអាជ្ញារងអមសាលាដំបូងខេត្តឧត្ដរមានជ័យផងដែ។
ក្រោយមានការត្រួតពិនិត្យសាកសព ឈ្មោះ ធូហាត រួចមក ក្រុមគណ:កម្មការបានសន្និដ្ឋានថាពិតជាស្លាប់ដោយសាករណីចងករធ្វើអត្តឃាតខ្លួននៅក្នុងបន្ទប់ឃុំឃាំងពិត្យប្រាកដមែន។ ហើយសមត្ថកិច្ចក៍បានប្រគល់សាកសពជូនដល់ក្រុមគ្រួសារយកទៅធ្វើបុណ្យទៅតាមប្រពៃណី៕
