ឃាត់ខ្លួនក្រុមចោរកាច់កម៉ូតូ ០២នាក់ នៅក្រុងច្បារមន
កំពង់ស្ពឺ ៖ កាលវេលាម៉ោង០១ និង១០នាទីយប់ ថ្ងៃទី០៥ ខែឧសភា ឆ្នាំ២០១៩ កម្លាំងល្បាតរបស់មូលដ្ឋានកងរាជអាវុធហត្ថក្រុងច្បារមន ដឹកនាំដោយលោកវរសេនីយ៍ត្រី ធី ឆៃ មេបញ្ជាការក្រុង បានចេញល្បាតនៅលេីផ្លូវជាតិលេខ៤ មកដល់ចំណុចមុខមន្ទីរពេទ្យខេត្តកំពង់ស្ពឺ ស្ថិតនៅភូមិអង្គសេរី សង្កាត់សុព័រទេព ក្រុងច្បារមន កម្លាំងមូលដ្ឋានក្រុងច្បារមន បានប្រទះ និងឃាត់ខ្លួនក្រុមកាច់កម៉ូតូ បានចំនួន ០២នាក់ មានឈ្មោះដូចខាងក្រោម៖
-ទី១. ឈ្មោះ ផាន សុខហេងគង់ ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិឃ្លាំងសាំង សង្កាត់ឬស្សីកែវ ខ័ណ្ឌឬស្សីកែវ រាជធានីភ្នំពេញ ។
-២. ឈ្មោះ រ៉េត សុធារុន ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិមិត្តភាព សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។
ក្នុងនោះកម្លាំងបានដកហូតវត្ថុតាងសម្ភារៈ រួមមានម៉ូតូចំនួន ០២គ្រឿង ៖
-១. ម៉ូតូម៉ាកសង់១២៥ សេរីឆ្នាំ២០១០ ពណ៌ខ្មៅ ពាក់ស្លាកលេខ កំពង់ឆ្នាំង 1C-1717
-២. ម៉ូតូម៉ាកNex ពណ៌លឿង សេរី២០១៥ ផ្លាកលេខ ភ្នំពេញ 1CB-6118 (ម៉ូតូទាំងពីរគ្រឿងនេះ មានស្នាមកាច់កទាំងអស់) រួមទាំងសម្ភារៈកាច់កម៉ូតូ ០១ផងដែរ ។
បច្ចុប្បន្ន ជនសង្ស័យ រួមទាំងវត្ថុតាងសម្ភារៈទាំងអស់ បានបញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដេីម្បីអនុវត្តតាមនីតិវិធីច្បាប់ ៕
