កម្លាំងជំនាញ នគរបាលក្រុងប៉ោយប៉ែត ឃាត់ ខ្លួនជនសង្ស័យ រួមទាំង គ្រឿងញៀន និងកាំបិតសាម៉ូរ៉ៃ មួយចំនួន..!!

ក្រុងប៉ោយប៉ែត ៖ នៅថ្ងៃសុក្រ ១៤រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី០៣ ខែឧសភា ឆ្នាំ២០១៩ វេលាម៉ោង១១និង៣០នាទី មានប្រជាពលរដ្ឋរស់នៅ ភូមិប្រជាធម្ម មានករណីជួញដូរគ្រឿងញៀន នៅចំណុចបរិវេណ សាលារៀន ប្រជាធម្ម ស្ថិតក្នុងភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ក្រោយទទួលបានព័ត៌មាននេះហើយ កំលាំងនគបាលប៉ុស្តិ៍ផ្សារកណ្តាល បានចុះដល់ចំណុចទីតាំងខាងលើជនសង្ស័យឈ្មោះ កែ លីថូ ភេទប្រុស អាយុ២៧ឆ្នាំ រស់នៅមណ្ឌល់៤ ភូមិប្រជាធម្មលិច សង្កាត់ផ្សារកណ្តាល កម្លាំងសមត្ថកិច្ចរកឃើញវត្ថុតាងថ្នាំក្រាមពណ៍ស ចំនួន ០១ថង់តូច ។ ចំណែកបក្ខ ពួកចំនួន០២នាក់ទៀតបានរត់គេចខ្លួនបាត់អស់ ជនសង្ស័យត្រូវបាននាំមកប៉ុស្តិ៍ដើម្បីធ្វើការសាកសួរបំភ្លឺនិងតាមចម្លើយជនសង្ស័យថាខ្លួនមានថ្នាំនៅក្នុងបន្ទប់ដេកទៀត លុះដល់ម៉ោង១២.២០នាទីក៏នាំខ្លួនជនសង្ស័យទៅពិនិត្យកន្លែងបន្ទប់ដេក ឆែកឆេររកឃើញ ថ្នាំក្រាមពណ៍ស ០១ថង់ធំល្មម ម្សៅពណ៍ស ម៉ត់០១ថង់តូច យកចេញពីហោប៉ៅអាវផ្កាពាក់លើស្នួរខោអាវ ក្នុងកាបូបតូចពណ៍ខ្មៅ កាំបិតសាម៉ូរ៉ៃ០១ កាំបិតប៉ាំងតោ០២ កាំខ្វែវ០១ ពូថៅ០១ ដែកស្រួចមុខបីជ្រុង០១ បំពង់សំរាប់ប្រើប្រាស់ថ្នាំ១ថង់ ដែកកេះ១ កែវសម្រាប់ជក់០១។ នៅក្នុងប្រតិបត្តិការនោះដែរសមត្ថកិច្ចបានឃាត់ខ្លួនជនសង្ស័យចំនួន០២នាក់ទៀត ឈ្មោះងិន ប៉ក់ ភេទប្រុស អាយុ១៧ឆ្នាំរស់នៅមណ្ឌល់៥ ភូមិប្រជាធម្មលិច(ជាអ្នកធ្នាប់យកថ្នាំពីឈ្មោះ អោយគេដែរ) និងឈ្មោះខន សុខា ភេទប្រុស អាយុ២២ឆ្នាំ រស់នៅមណ្ឌល់៧ភូមិប្រជាធម្មកើត (ជាអ្នកប្រើប្រាស់គ្រឿងញៀន)។ បច្ចុប្បន្នជនសង្ស័យនិងវត្ថុតាងកំពុងកសាងឯកសារបញ្ជូនចាត់ការ តាមនីតិវិធី ច្បាប់ផងដែរ៕