ខ្យល់កន្រ្តាក់វាយបំផ្លាញសាលប្រជុំអាគារមហោស្រប ០១ខ្នង ផ្ទះគំរូ ០៦ខ្នង ដួលដល់ដី រួមនិងផ្ទះគំរូរាប់សិបខ្នងទៀត របើកក្បឿងរប៉ាត់រប៉ាយ
ព្រះវិហារ ៖ កាលពីល្ងាចថ្ងៃអាទិត្យ ទី២៨ ខែមេសា ឆ្នាំ២០១៩ ផ្ទះរបបគំរូសម្តេចតេជោ ផ្តល់ជូនកងទ័ពចំនួន ៧២ខ្នង បានរងការរបើកក្បឿងរប៉ាត់រប៉ាយ ស្របពេលជាមួយសាលប្រជុំអាគារមហោស្របទីបញ្ជាការកងពលធំអន្តរាគមន៍លេខ៣ មួយខ្នងទំហំ ៣០×៥០ម៉ែត្រ រួមនិងផ្ទះគំរូកងទ័ពចំនួន ០២ខ្នង រលំដួលដល់ដីទាំងស្រុង ដោយសារខ្យល់កន្រ្តាក់ លាយឡំភ្លៀងផ្គររន្ទះវាយបំផ្លាញ ស្ថិតក្នុងភូមិសាស្ត្រ ភូមិកំពេញ ឃុំយាង ស្រុកជាំក្សាន្ត ខេត្តព្រះវិហារ។ ផ្ទះរបបគំរូគ្រួសារកងទ័ព ដែលរងការខូចខាតដោយសារខ្យល់កន្ត្រាក់សរុប ៧៥ខ្នង ក្នុងនោះរួមមាន ផ្ទះរបបគំរូគ្រួសារទ័ព កងពលតូចទ័ពពិសេសឆ័ត្រយោង៩១១ ចំនួន ០២ខ្នង រលំដល់ដី និង៤៦ខ្នងរបើកក្បឿង និងផ្ទះរបបគំរូគ្រួសារទ័ពកងពលលេខ១ ចំនួន ៤ខ្នងរលំដួលដល់ដី និងផ្ទះមួយចំនួនទៀតរបើកដំបូល ស្របពេលជាមួយសាលប្រជុំអាគារមហោស្របទីបញ្ជាការកងពលធំអន្តរាគមន៍លេខ៣ មួយខ្នងទំហំ ៣០×៥០ម៉ែត្រ រួមនិងផ្ទះគំរូកងទ័ពចំនួន ២៦ខ្នង របើកក្បឿងរប៉ាត់រប៉ាយដោយសារខ្យល់កន្រ្តាក់ លាយឡំភ្លៀងផ្គររន្ទះនេះផងដែរ ៕
