បង្ក្រាបល្បែងស៊ីសងខុសច្បាប់ (ភ្នាល់សត្វមាន់ជល់) ឃាត់ខ្លួន ០៧នាក់ នៅខណ្ឌពោធិ៍សែនជ័យ
ភ្នំពេញ ៖ នៅថ្ងៃទី២៨ ខែមេសា ឆ្នាំ២០១៩ វេលាម៉ោង ១០ និង៣០នាទី កម្លាំងអន្តរាគមន៍ បានសហការជាមួយប៉ុស្តិ៍នគរបាលត្រពាំងក្រសាំង ចុះបង្ក្រាបល្បែងស៊ីសង (ភ្នាល់មាន់ជល់) ដោយធ្វើការឃាត់ខ្លួនជនសង្ស័យចំនួន ០៧នាក់ នៅចំណុចដីឡូត៍គ្មានលេខ ទុកចោល ស្ថិតនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យទាំង ០៧នាក់ រួមមាន ៖ ទី១. ឈ្មោះ សឿង សឿន ភេទប្រុស អាយុ ៣៧ឆ្នាំ មុខរបរនៅផ្ទះ មានទីលំនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ, ទី២. ឈ្មោះ គង់ គា ភេទប្រុស អាយុ១៨ឆ្នាំ មុខរបរនៅផ្ទះ មានទីលំនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ, ទី៣. ឈ្មោះ សែន ណាន ភេទប្រុស អាយុ៤០ឆ្នាំ មុខរបរនៅផ្ទះ មានទីលំនៅភូមិចោមចៅ១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ, ទី៤. ឈ្មោះ ហែម ហឿន ភេទប្រុស អាយុ២៤ឆ្នាំ មុខរបរនៅផ្ទះ នៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ, ទី៥. ឈ្មោះ ជេត គាវ ភេទប្រុស អាយុ៤៤ឆ្នាំ មុខរបរនៅផ្ទះ មានទីលំនៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ, ទី៦. ឈ្មោះ អន ធន់ ភេទប្រុស អាយុ៣៣ឆ្នាំ មុខរបរនៅផ្ទះ មានទីលំនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យរាជធានីភ្នំពេញ និងទី៧. ឈ្មោះ ហុង ហេងភេទប្រុស អាយុ២៨ឆ្នាំ មានទីលំនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ វត្ថុតាងដែលសមត្ថកិច្ចដកហូតបានមាន ៖ មាន់ជល់ឈ្មោលចំនួន ០៥ក្បាល។ បច្ចុប្បន្ន ឃាត់ខ្លួនជនសង្ស័យទាំង ០៧នាក់ នៅផ្នែកជំនាញនគរបាលយុត្តិធម៌ នៃអធិការនគរបាលខណ្ឌពោធិ៍សែនជ័យ ដេីម្បីចាត់ការតាមនីតិវិធីច្បាប់ ៕
