ផ្ទះ ០២ខ្នង ត្រូវអគ្គីភ័យលេបត្របាក់ទាំងស្រុង នៅស្រុកពញាឭ ខេត្តកណ្តាល
កណ្តាល ៖ នៅវេលាម៉ោង ០៤:៤៥នាទី ថ្ងៃទី២៥ ខែមេសា ឆ្នាំ២០១៩ មានករណីអគ្គីភ័យ បណ្តាលឲ្យឆេះផ្ទះ ០២ខ្នង ស្ថិតនៅភូមិក្តុល ឃុំកំពង់អុស ស្រុកពញាឮ ខេត្តកណ្តាល។
ប្រភពសមត្ថកិច្ច បានឲ្យដឹងថា ផ្ទះទី១-ទំហំ ៨មx១២ម ម្ចាស់ផ្ទះឈ្មោះ ខោល ហ៉ីង ភេទស្រី អាយុ៦៥ឆ្នាំ ទីលំនៅភូមិឃុំកើតហេតុខាងលេី និងផ្ទះទី២-ទំហំ ៦មx៨ម ម្ចាស់ឈ្មោះ ម៉េង សុខចិន ភេទប្រុស អាយុ២៧ឆ្នាំ មានទីលំនៅភូមិឃុំកើតហេតុខាងលើ។ សមត្ថកិច្ចបន្តទៀតថា សម្ភារៈខូចខាតរួមមាន ឆេះផ្ទះ ០២ខ្នង ឆេះអស់ទាំងស្រុង, ប្រាក់ចំនួន ១០០០០ដុល្លា, ម៉ូតូចំនួន ០២គ្រឿង, ទូរដាក់សំលៀកបំពាក់ចំនួន ០៣ និងសំភារៈក្នុងផ្ទះមួយចំនួន។
មូលហេតុដែលនាំឲ្យមានអគ្គីភ័យកេីតឡេីង បណ្តាលមកពីឆ្លងចរន្តអគ្គីសនី។ ក្នុងហេតុការនេះ ប្រើប្រាស់រថយន្តពន្លត់អគ្គីភ័យអស់ចំនួន ០៣គ្រឿង ៕
