ប៉ូលិសប៉ុស្តិ៍កាចាញ ឃាត់ខ្លួនក្មេងទំនើង៣នាក់ ក្រោយរកឃើញដាវសាម៉ូរៃ

ខេត្តរតនគិរី÷ កម្លាំងនគរបាលប៉ុស្តិ៍រដ្ឋបាលសង្កាត់កាចាញសហការជាមួយកម្លាំងប្រជាការពារភូមិចុះដើរល្បាតតាមភូមិសាស្ត្រនៅក្នុងមូលដ្ឋាន។ ក៏បានជួបប្រទះឃើញក្មេងទំនើងមួយក្រុមកំពុងឈរម៉ូតូមួយគ្រឿងនៅតាមផ្លូវ ហើយកម្លាំងបានឆែកឆេររកឃើញ ដាវសាម៉ូរៃមួយដើមនិងដំបងឈើមួយផងដែរ។

ករណីឃាត់ខ្លួនក្មេងទំនើងនេះធ្វើឡើងនៅវេលាម៉ោង១១និង៤៥នាទីយប់រំលងអធ្រាត្រថ្ងៃអង្គារ ៤រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនិងថ្ងៃទី២៣ ខែមេសា ឆ្នាំ២០១៩ កន្លងទៅស្ថិតនៅក្នុងភូមិ៣ សង្កាត់កាចាញ ក្រុងបានលុង។ អធិការរងក្រុងបានលុងទទួលបន្ទុកព្រហ្មទណ្ឌលោក តេង សាវុធ បានឲ្យដឹងថា ការឃាត់ខ្លួនក្មេងទំនើងចំនួន៣នាក់ និងដកហូត ដាវសាម៉ូរៃ ១ដើម ដំបងឈើ១ដើម និងដែកបំពងទីបមួយផងដែរ។ លោកថា បញ្ជូនក្មេងទំនើងទាំងនេះមកអធិការក្រុងបានលុងទាំងយប់ ឃាត់ខ្លួនបណ្ណោះអាសន្នដើម្បីឲ្យធ្វើកិច្ចសន្យាវិលត្រឡប់ទៅផ្ទះវិញ។

បន្ទាប់ពីក្មេងទំនើងទាំងនោះមិនទាន់បានធ្វើសកម្មភាពនៅឡើយ ហើយមិនចង់បញ្ចេញអត្តសញ្ញាណទេ។ ឲ្យធ្វើកិច្ចសន្យានិងបញ្ឈប់ធ្វើសកម្មភាព ប្រគល់ទៅឲ្យឪពុកម្តាយយកទៅអប់រំបន្ត៕