ចោរមួយក្រុមគាស់ផ្ទះលក់ទូរស័ព្ទនៅក្នុងក្រុងសៀមរាបបានសម្រេច រួចគេចខ្លួនបានដោយសុវត្តិភាព
ខេត្តសៀមរាប ៖ សកម្មភាពចោរ គាស់ផ្ទះកើនឡើងនៅក្រុងសៀមរាប តែសមត្ថកិច្ចថាសុទ្ធតែមិនស្គាល់អត្តសញ្ញាណទោះមានចាប់កាម៉េរ៉ាក៍ដោយ ជាក់ស្តែងយប់មិញគាស់ផ្ទះលក់ទូរស័ព្ទមួយ នៅម៉ោងប្រមាណជិត០៥ ព្រឹកថ្ងៃទី ២២ មេសា ២០១៩ ស្ថិតនៅផ្សារដើមក្រឡាញ់ ក្រុងសៀមរាប ។
តាមសមត្ថកិច្ចថាករណីអំពើលួចមានស្ថានទម្ង្ងន់ទោសនេះ គឺជនសង្ស័យបានគាស់ទំលុះទំលាយ ដែលបង្ករឡើងដោយជន(សង្ស័យមិនស្គាល់អត្តសញ្ញាណ) ជិះរថយន្ត ០១គ្រឿង ម៉ាក Luxus RX 300 ពណ៌ ស្ករ គ្មានស្លាកលេខធ្វើសកម្មភាពយក កន្ត្រៃកាត់ដែក និងដែកត្បែង កាត់សោ នៅហាងលក់ទូរស័ព្ទ យីហោ ម៉ូឌែលហ្វូន មានទូរតាំងអីវ៉ាន់ ដាក់វីង(wing)ស្ថិតក្នុងភូមិទក្សិណត្បូង សង្កាត់គោកចក ក្រុង-ខេត្តសៀមរាប។
ជនរងគ្រោះមាន ឈ្មោះ លឹម អូន ភេទ ប្រុស អាយុ ២៨ឆ្នាំ គឺដោយពេលយប់ជនរងគ្រោះបានចាក់សោរហាង ហើយទៅសំរាកនៅផ្ទះ លុះពេលព្រឹកមកបើកតូបទើបដឹងឆោឡោ បង្ករការភ្ញាក់ផ្អើលហើយប្តឹងទៅសមត្ថកិច្ច ដើម្បីមកពិនិត្យ សកម្មភាពនេះជនសង្ស័យ បានចូលលួចយក ទូរដែកចំនួន ១ រុញដាក់ចូលក្នុងឡាន ហើយជិះ គេចខ្លួនបាត់ ។
តាមការបំភ្លឺរបស់ម្ចាស់ផ្ទះអោយដឹងថា ក្នុងទូរដែកនោះមាន៖ ទូរស័ព្ទដៃៃ ១គ្រឿង មាក oppo F5 ពណ៌ខ្មៅ គ្មានស៊ីម ម៉ាស៊ីនវេលុយ wing ចំនួន ០៣គ្រឿង ប្រាក់ខ្មែរចំនួន ១៩ម៉ីនរៀល អត្តសញ្ញាណប័ណ្ណសញ្ជាតិខ្មែរ ចំនួន១ និងឯកសារជួលផ្ទះ មួយចំនួន ។
ទោះជាយ៉ាងណាក៍ដោយសមត្ថកិច្ចមិនទាន់កំណត់មុខសញ្ញាជនសង្ស័យបាននៅឡើយទេ វត្ថុតាងបន្សល់ទុកកន្រ្តៃកាត់ដែក១ ដែកត្បែង ១ ។
មជ្ឈដ្ឋានប្រជាពលរដ្ឋនៅក្រុងសៀមរាបមានការព្រួយបារម្ភយ៉ាងខ្លាំង ករណីចោរគាស់ផ្ទះ ដែលជនល្មើសជិះសុទ្ធតែឡានទំនើបបែបនេះ ហើយសមត្ថកិច្ចថាមិនស្គាល់អត្តសញ្ញាណ ដែលបច្ចុប្បន្នសកម្មភាពចោរគាស់ផ្ទះកើនឡើងជាគំហុក។
