រថយន្ត និង រថយន្ត ព្រលះគ្នាពេញទំហឹង នៅ…

ខេត្តកំពង់ឆ្នាំងះកាលពីល្ងាចថ្ងៃទី ៦ ខែមេសាឆ្នាំ ២០១៩ នេះមានករណីគ្រោះថ្នាក់ចរាចរណ៍មួយបានកើតឡើងរវាងរថយន្តម៉ាកហ្វុយសូ និង រថយន្តបាឡែនបានព្រលះគ្នាពេញទំហឹងនៅតាមបណ្ដោយផ្លូវជាតិលេខ ៥ ត្រង់ចំណុចភូមិក្បាលថ្នល់ ឃុំសែប ស្រុកកំពង់ត្រឡាច ខេត្តកំពង់ឆ្នាំង។ ព័ត៌មានដែលទទួលបានពីសមត្ថកិច្ចជំនាញបានឲ្យដឹងថាក្នុងហេតុការណ៍គ្រោះថ្នាក់ចរាចរណ៍ខាងលើនេះថ្វីដ្បិតតែមានសភាពធ្ងន់ធ្ងរក៏ពិតមែន ក៏ប៉ុន្តែពុំបណ្ដាលឲ្យមានមនុស្សណាម្នាក់រងរបួសធ្ងន់ធ្ងរឡើយគ្រាន់តែរបកដៃជើងបន្តិចបន្តួចតែប៉ុណ្ណោះ។

ក្នុងហេតុការណ៍គ្រោះថ្នាក់ចរាចរណ៍ដ៏សាហាវខាងលើនេះបើយោងតាមសមត្ថកិច្ចនគរបាលបានឲ្យដឹងថាម្ចាស់រថយន្តទាំងសងខាងកំពុងតែសម្របសម្រួលគ្នាចេញថ្លៃសងការខូចខាត ដែរអ្នកបើកបររថយន្តបាឡែនជាអ្នកបង្កដោយសារតែរថយន្តបាឡែនបានបើករេចង្កូតចូលទៅចំណីផ្លូវខាងស្តាំរបស់រថយន្តហ្វុយសូដែលធ្វើដំណើរបញ្ច្រាសទិសគ្នា តែទោះជាយ៉ាងនេះក្តីម្ចាស់ភាគីរថយន្តបាឡែនពុំបានប្រកែកតវ៉ាអ្វីឡើយដោយសុខចិត្តចេញសងថ្លៃខូចខាតដល់ម្ចាស់ភាគី រថយន្តហ្វុយសូពេញតម្លៃ ដើម្បីបញ្ចប់រឿងផងដែរ។

ពាក់ព័ន្ធនឹងព័ត៌មានខាងលើនេះអ្នកយកព័ត៌មានយើងបានធ្វើការសុំសម្ភាសន៍ពីលោកឈឹម សារ៉ុននាយការិយាល័យចរាចរណ៍ផ្លូវគោកនៃស្នងការនគរបាលខេត្តកំពង់ឆ្នាំងនៅរសៀលថ្ងៃទី ៧ ខែមេសាឆ្នាំ ២០១៩លោកបានប្រាប់ឲ្យដឹងថាលោកជាប់រវល់ទៅការមិត្តភ័ក្កិនៅឯខេត្ត ពោធិ៍សាត់ហើយលោកបានប្រាប់ថាម្ចាស់រថយន្តទាំងពីរ បានកំពុងសម្របសម្រួលចរចាគ្នាចប់សព្វគ្រប់អស់ហើយ! ហើយយកព័ត៌មានយើងក៏សូមឱ្យលោកសុំរបាយការណ៍ពីឈ្មោះអ្នកបើកបរលោកថាលោកមិនបានដឹងទេចាំសួរទៅអធិការស្រុកកំពង់ត្រឡាចសិនតែរហូតមកដល់ពេលនេះមិនទាន់ឃើញលោកផ្ដល់ព័ត៌មានឲ្យយើងនៅឡើយទេ។