បែកធ្លាយបុរសម្នាក់ធ្វើអត្តឃាតដោយយកកំាភ្លើងបាញ់ក្បាលខ្លួនឯង មានវីដេអូ…..

ភ្នំពេញ៖ កក្រើកពេញហ្វេសបុក ខណះបែកធ្លាយរូបភាពក្នុងបណ្តាញសារពត៌មាន នូវករណីបុរសម្នាក់ចូលទៅបាញ់កាំភ្លើង នៅក្នុងក្លឹបបាញ់កាំភ្លើង នៅទីលានបាញ់កាំភ្លើងភ្នំពេញ របស់លោក សុខ ខេមរិន្ទ នៅក្បែរអង្គភាពតម្រួតបទបញ្ជា នៃអគ្គស្នងការដ្ឋាននគរបាលជាតិ​ ស្ថិតនៅសង្កាត់ត្រពាំងក្រសាំង ខណ្ឌពោធិ៍សែនជ័យ កាលពីវេលាម៉ោង១១ព្រឹកថ្ងៃទី០៤ ខែមេសា ឆ្នាំ២០១៩ម្សិលមិញនេះ ក៏ប៉ុន្តែ ខាងសមត្ថកិច្ច ខាងក្លឹបបាញ់កាំភ្លើងព្យាយាមលាក់អាថកំបាំងពត៌មាន ទើបតែនៅព្រឹកថ្ងៃទី០៥ ខែមេសា ឆ្នាំ២០១៩នេះទើបបែកធ្លាយ រូបភាពខ្សែវីដេអូ តាមរយៈកាមេរ៉ាសុវត្តិភាព គួរឲ្យរន្ធត់មែនទែន ឈានដល់បុរសម្នាក់ លើកកាំភ្លើងបាញ់ប្រហារផ្តាច់ជីវិតខ្លួនឯងស្តែងៗ តែម្តង ។

សមត្ថកិច្ចមូលដ្ឋាន ជាម្ចាស់ទឹកម្ចាស់ដី លោកយឹម សារ៉ាន់អធិការខណ្ឌពោធិសែនជយ័ បានឲ្យដឹងដែរថា លោកបានដឹងដែរ តែបានត្រឹមតែរាយការណ៍ សូម្បីតែពិនិត្យកោសល្យវិច័យ ជំនាញក្រុងមិនបានចូលទៅផង ករណីខាងលើជំនាញខាងក្រសួង ចុះទៅពិនិត្យ កោសល្យវិច័យ ។

តាមប្រភពព័ត៌មានផ្សេងៗគ្នា មកដល់ព្រឹកថ្ងៃទី០៥ ខែមេសានេះ នៅតែមិនទាន់ច្បាស់លាស់ ជាក់លាក់នោះទេ ប្រភពពីសមត្ថកិច្ចមូលដ្ឋាន ថា ជនដែលធ្វើអត្តឃាតនោះឈ្មោះ កែវ សុថារិទ្ធ ភេទប្រុស អាយុ៤១ឆ្នាំ មានទីលំនៅភូមិដំណាក់ធំ១ សង្កាត់ស្ទឹងមានជ័យ១ ខណ្ឌមានជ័យ មានជម្ងឺប្រចាំកាយ មិនអាចព្យាបាលបាន ហើយកាលពីព្រឹកថ្ងៃកើតហេតុ ជនរងគ្រោះបានទៅជួលកាំភ្លើងបាញ់នៅទីលាន៩១១ ម្តងហើយ ក៏ចេញមកវិញ នៅវេលាម៉ោងខាងលើ បានចូលទៅជួលកាំភ្លើងខ្លី ម៉ាកឡុក បាញ់ នៅក្លឹបបាញ់កាំភ្លើង នៅទីលាន របស់លោក សុខ ខេមរិន ចំនួន៥គ្រាប់ បាញ់លើកទី១ បាញ់អស់៣គ្រាប់ សំដៅផ្ទាំងសុីប បាញ់លើកទី២ តម្រង់ផ្ទាំងសុីប១គ្រាប់ ហើយ១គ្រាប់ចុងក្រោយ លើកកាំភ្លើងបាញ់ខ្លួនឯង ស្លាប់យ៉ាងរន្ធត់តែម្តង ។

បើតាមអ្នកលេងក្នុងបណ្តាញសង្គម សរសេរលើកឡើងថា ភាគច្រើន ជនដែលបាញ់ខ្លួនឯងនោះជាជនជាតិចិនទៅវិញ ។ ទោះជាយ៉ាងណាក្តីភ្នាក់ងារយើង មិនអាចសុំការបំភ្លឺ ពីខាងអ្នកគ្រប់គ្រងក្លឹប ឬម្ចាស់ក្លឹបហាត់បាញ់កាំភ្លើងបានឡើយ សូម្បីតែទៅក្បែរមិនបានផងកុំថាឡើយចូលទៅរកសួរនាំនោះ៕