ស្លាប់ ២នាក់ រងរបួស២នាក់ ក្នុងហេតុការណ៍គ្រោះថ្នាក់ចរាចរណ៍នៅស្រុកសំបូរ

ក្រចេះ : រថយន្តបាឡែនមួយគ្រឿងបានរេចង្កូតចូលផ្ទះប្រជាពលរដ្ឋ បណ្ដាលឲ្យស្លាប់មនុស្ស ២នាក់នឹងរងរបួសស្រាល ២ នាក់ ហេតុការណ៍គ្រោះថ្នាក់នេះបាកើតឡើងនៅរសៀលថ្ងៃទី៣ ខែមេសាឆ្នាំ២០១៩ ស្ថិតនៅលើផ្លូវជាតិលេខ៧ ចន្លោះបង្គោលគីឡូម៉ែត្រលេខ៣៧៥-៣៧៦ ត្រង់ចំណុចភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ ។

បើតាមការលើកឡើងពីសមត្ថកិច្ចខេត្តក្រចេះបានដឹងថា មុនពេលកើតហេតុមានរថយន្តមួយគ្រឿង ម៉ាកកាមរីបាឡែន ពាក់ស្លាកលេខភ្នំពេញ2AR-5893 ជិះគ្នា ៤នាក់ធ្វើដំណើរពីត្បូងទៅជើង ពេលមកដល់ចំណុចកើតហេតុក៏បានរេចង្កូតបុកចូលផ្ទះប្រជាពលរដ្ឋបណ្ដាលឱ្យស្លាប់មនុស្ស ២នាក់នឹងរងរបួសស្រាល ២នាក់ ។

ប្រភពដដែលបានឲ្យដឹងបន្ថែមថាចំពោះជនរងគ្រោះទាំង៤នាក់ខាងលើទី១ឈ្មោះ ឌិន ឌីណា ភេទប្រុស (ស្លាប់)ទី២ឈ្មោះ ឌិន ម៉េងហៀង ភេទប្រុស (ស្លាប់) ទី៣ឈ្មោះ ហ៊ឹម សុផា ភេទប្រុស (រងរបួសស្រាល) និងទី៤ឈ្មោះ ខុន សុផល ភេទស្រី (រងរបូសស្រាល) ជងរងគ្រោះទាំងនេះរស់នៅស្រុកអូរាំងឪ ខេត្តត្បូងឃ្មុំ ។

ក្រោយកើតហេតុសមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យ ចំណែកឯសាកសពក៏រង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី ។