សមត្ថកិច្ចឆ្មក់បង្ក្រាបអ្នកញៀនអាប៉ោង១វង់ខ្លះរត់ចោលស្បែកជើងយករួចខ្លួន
ខេត្តបាត់ដំបង៖ក្រុមអ្នកញៀនល្បែងអាប៉ោង១វង់ដែលមានគ្នាច្រើននាក់បានប្រព្រឹត្តលួចលាក់រាប់ខែបានយ៉ាងរលូននោះពេលនេះអស់ល័ក្ខត្រូវបានសមត្ថកិច្ចឆ្មក់បង្ក្រាបកាលពីថ្ងៃទី២៧ខែមីនាឆ្នាំ២០១៩ថ្មីៗនេះនៅវេលាម៉ោង១៤:៣០នាទីនៅចំណុចក្រុម១៨ក្នុងភូមិព្រៃទទឹងឃុំជ្រៃស្រុកថ្មគោលខេត្តបាត់ដំបង។
តាមការអោយដឹងពីពលរដ្ឋនៅជិតផ្ទះបើកល្បែងនេះខ្សឹបប្រាប់សមត្ថកិច្ចថាដោយសាតែមានសម្តីឈ្លោះប្រកែកគ្នាខ្លាំងៗនៅពេលកំពង់លេងពេកទើបគាត់ទ្រាំមិនបានក៏ប្តឹងដល់សមត្ថកិច្ចអោយបង្ក្រាបតែម្តង។
សមត្ថកិច្ចបានអោយដឹងដែរថាក្រោយពីសមត្ថកិច្ចទទួលបានពត៌មានពីប្រជាពលរដ្ឋកំលាំងអធិការដ្ឋាននគរបាលស្រុកថ្មគោលបានចុះឆ្មក់បង្រ្កាបតែម្តងនិងឃាត់ខ្លួនបានមនុស្សចំនួន០៧នាក់រួមនិងវត្ថុតាងជាច្រើនទៀតផងដែរ។ សមត្ថកិច្ចបន្តថាអ្នកដែលសមត្ថកិច្ចឃាត់ខ្លួនទាំង០៧នាក់ក្នុងចំណោមអ្នកលេងជាច្រើនទៀតដែលបានរត់គេចខ្លួននោះរួមមាន១/ឈ្មោះស៊ុយ.ស៊ិនភេទប្រុសអាយុ៤០ឆ្នាំរស់នៅភូមិព្រៃទទឹងឃុំជ្រៃស្រុកថ្មគោលខេត្តបាត់ដំបង(ម្ចាស់ផ្ទះ)២/ឈ្មោះជួប.សៀនភេទស្រីអាយុ៧៧ឆ្នាំរស់នៅភូមិព្រៃទទឹងឃុំជ្រៃស្រុកថ្មគោល(ផ្ទះម្ចាស់)៣/ឈ្មោះប៊ុន.ធីភេទប្រុសអាយុ៣០ឆ្នាំរស់នៅភូមិអូរចារសង្កាត់អូរចារក្រុងបាត់ដំបងអ្នកលេង៤/ឈ្មោះប៊ុន.ដារ៉ាភេទប្រុសអាយុ២៧ឆ្នាំរស់នៅភូមិព្រៃទទឹងឃុំជ្រៃស្រុកថ្មគោលអ្នកលេង៥/ឈ្មោះសេន.នីភេទប្រុសអាយុ៨៤ឆ្នាំរស់នៅភូមិគោកក្តួចឃុំតាពូងស្រុកថ្មគោលអ្នកលេង៦/ឈ្មោះលី.ប៊ុនធៀងភេទប្រុសអាយុ៥៨ឆ្នាំរស់នៅភូមិជ្រោយស្តៅឃុំជ្រោយស្តៅស្រុកថ្មគោលអ្នកលេង៧/ឈ្មោះវៀន.វ៉េីយភេទស្រីអាយុ៥២ឆ្នាំរស់នៅភូមិអូរម៉ាល់សង្កាត់អូរម៉ាល់ក្រុងបាត់ដំបងអ្នកលេង។ក្រៅពីនេះសមត្ថកិច្ចក៏បានដកហូតសម្ភារះតាងបានដូចជាម៉ូតូចំនួន០៤គ្រឿង,ចានអាប៉ោង០១,ផ្តិល០១,ប៉ាយសំរាប់ចាក់០១,កន្ទេលក្រាល០៣,កំរាលកៅស៊ូតូច០២និងស្បែកជេីងមួយចំនួនទៀត។
សមត្ថកិច្ចបានបន្តថាក្រោយការបង្ក្រាបនិងឃាត់ខ្លួនបានអ្នកទាំង០៧នាក់ខាងលើសមត្ថកិច្ចបានយកមកធ្វើការណែនាំជាមួយនិងកិច្ចសន្យាដើម្បីបញ្ឈប់ការបើកនិងលេងបន្តទៀតបើថ្ងៃមុខម្ចាស់ផ្ទះនៅតែប្រព្រឹត្តបន្តទៀតសមត្ថកិច្ចនិងអនុវត្តន៍ទៅតាមផ្លូវច្បាប់មិនខាន។បច្ចុប្បន្នមនុស្សនិងវត្ថុតាងត្រូវកំលាំងនគរបាលស្រុកថ្មគោលយកមករក្សារទុកដើម្បីធ្វើកំណត់ហេតុនៃនីតិវិធីច្បាប់៕
