បុរសជាយោធាម្នាក់ បើករថយន្តបោះពួយយ៉ាងលឿន ខ្វះការប្រុងប្រយ័ត្ន ទៅបុកយុវជនម្នាក់ ស្លាប់គួរឲ្យអាសូរពន់ពេក…

ខេត្តកណ្ដាល៖ នេះកើតហេតុនៅថ្ងៃចន្ទ០៥រោច ខែផល្គុន ឆ្នាំច សំរិទ្ធិស័ក ព.ស២៥៦២ ត្រូវនិងថ្ងៃទី២៥ ខែ មីនា ឆ្នាំ២០១៩ វេលាម៉ោង១៩,២៥នាទី នៅចំណុចផ្លូវលេខ១២១០ ភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល ។

ដោយមានរថយន្ត០១គ្រឿង ម៉ាកលុចសីុស ៣៥០ ពណ៍ ត្រីអីុ ពាក់ផ្លាកលេខ ខេមរភូមិន្ទ02 2-2416 បើកបរដោយឈ្មោះ ឌិន សុីដេត ភេទប្រុស អាយុ ៣៤ឆ្នាំ មុខរបរៈយោធា មានទីលំនៅភូមិត្នោតមួយដើម ឃុំបែកចាន ស្រុកអង្គស្នួល ខេត្តកណ្ដាល បានធ្វើដំណើរក្នុងទិសដៅពីលិចទៅកើត ។

លុះពេលមកដល់ចំណុចកើតហេតុខាងលើក៏បានបុកជាមួយនឹងម៉ូតូម៉ាកហុងដាសេ១២៥ ពណ៍ខ្មៅ សេរីឆ្នាំ២០១៥ ពាក់ផ្លាកលេខ កណ្ដាល1P8626 បើកបរដោយ ឈ្មោះម៉ុន វីរៈ ភេទប្រុស អាយុ ១៨ឆ្នាំ មុខរបរ ជាជាងជួលជុលរថយន្ខ(ស្លាប់នៅនឹងកន្លែង) ជនរងគ្រោះ មានទីលំនៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្ដាល ដែលកំពុងជិះម៉ូតូ នៅក្នុងទិសដៅបញ្ច្រាស់គ្នា(ពីកើតទៅលិច) បណ្ដាលអោយដួលរងរបួសរហូតដល់ស្លាប់តែម្ដង ។

ក្រោយពេលកើតហេតុសមត្ថកិច្ចបានចុះទៅកន្លែងកើតហេតុធ្វើការវាស់វែង និងយកវត្ថុតាងទាំងពីរ និងបានឃាត់ខ្លួនអ្នកបើករថយន្ត យកមកអធិការដ្ឋាន ដើម្បីកសាងសំណុំរឿងទៅតាមនីតិវិធីនៃច្បាប់ ។

ចំណែកសាកសពសមត្ថកិច្ច បានប្រគល់អោយក្រុមគ្រួសារយកទៅ ធ្វើបុណ្យតាមប្រពៃណី ។
សូមបញ្ជាក់ថា៖ នៅជាប់ខ្លួនជនបង្ក មានអាវុធខ្លី ម៉ាកNP34 លេខBO-18287និងបង់០១(គ្មានគ្រាប់)។

តាមការសន្និដ្ឋាន: ករណីនេះបង្កឡើងដោយអ្នកបើកបររថយន្ត បើកបរធ្វេសប្រហែស ខ្ជីខ្ជា ខ្វះការប្រុងប្រយ័ត្ន ទើបបង្កអោយមានគ្រោះថ្នាក់ចរាចរណ៍កើតឡើង ។