ជីវិតឯកជនរបស់អ្នកនាង សុគន្ធ និសា ពិតជាសម្បូរបែបមែន !
រាជធានីភ្នំពេញ៖ តារាចម្រៀងសំឡេងស្រទន់ មុខមានមន្តស្នេហ៍ អ្នកនាង សុគន្ធ និសា ហាក់មិនសូវបង្ហាញពីជីវិតរស់នៅប្រចាំថ្ងៃដូចតារាដទៃ តាំងពីមុននឹងក្រោយពេលរៀបការ។ ប៉ុន្តែ ទោះជាយ៉ាងណា ក៏នៅតែមានទស្សនិកជនជាច្រើន ចង់ដឹងពីជីវិតឯកជន របស់អ្នកនាង ថាមានភាពឡូយឆាយ ដូចតារាល្បីៗមួយចំនួនដែរអត់។
តែតាមពិតទៅការរស់នៅរបស់ម្ចាស់បទ «បើស្រលាញ់ម្ដេចទុកអូនចោល» រូបនេះ ក៏មានភាពសម្បូរបែប ទំនើបខ្លាំងមិនធម្មតាដែរ គ្រាន់តែគ្រប់គ្នាមិនធ្លាប់បានចាប់អារម្មណ៍តែប៉ុណ្ណោះ។ ជាក់ស្ដែង បើក្រឡេកមកចាប់អារម្មណ៍លើ សម្ភារនិយមរបស់អ្នកនាងវិញ មិនថាកាបូប សម្លៀកបំពាក់ ទូរស័ព្ទ ឬរថយន្ត សុទ្ធសឹងតែជារបស់ប្រ៊េនៗ ម៉ាកល្បីៗ ដែលមានតម្លៃថ្លៃទាំងអស់។
ក្នុងនោះដែរ អ្នកនាងក៏ធ្លាប់ចំណាយលុយជាច្រើន ដើម្បីធ្វើដំណើរកម្សាន្តក្រៅប្រទេស ជាលក្ខណៈផ្ទាល់ខ្លួនផងដែរ។ ហើយអ្វីដែលកាន់តែពិសេស ជាងនេះទៀតនោះ សូម្បីទ្រនំដែលតារារូបនេះ ស្នាក់នៅជាប្រចាំក៏ជាផ្ទះវីឡាធំស្កឹមស្កៃ មិនចាញ់តារាជំនាន់គ្នានឹងអ្នកនាងប៉ុន្មានដែរ៕
