ស្ត្រីម្នាក់ស្រវឹងស្រាជោកជាំ ចុះងូតទឹកដូចចុះទៅលង់ស្លាប់ នៅស្រុកកូនមុំ

ខេត្តរតនគិរី÷ ស្ត្រីម្នាក់បានស្លាប់បាត់បង់ជីវិតខណ:ចុះទៅងួតទឹកស្រះលង់ស្លាប់នៅត្រង់ចំណុចការដ្ឋានទី៧ នៃក្រុមហ៊ុនហ័ងអញ់យ៉ាឡាយ(វៀតណាម)។
ហេតុការណ៍នេះបានកើតឡើងកាលពីវេលាម៉ោង៧និង៣០នាទី ថ្ងៃសុក្រ ២រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី២២ ខែមីនា ឆ្នាំ២០១៩កន្លងទៅ
ស្ថិតនៅក្នុងភូមិ៣ ឃុំស្រែអង្គ្រង ស្រុកកូនមុំ។

មន្ត្រីនគរបាលស្រុកកូនមុំបានឲ្យដឹងថា ជនរងគ្រោះឈ្មោះ យ៉េន សាអ៉ីម អាយុ៤០ឆ្នាំ ជនជាតិខ្មែរ
រស់នៅភូមិ/ឃុំកើតហេតុខាងលើ មុខរបរ កម្មករក្រុមហ៊ុនហ័ងអញ់។

មន្ត្រីនគរបាលបានបន្តថា មូលហេតុនែការស្លាប់នេះដោយសារ ស្រវិងស្រាជោកជាំហើយចុះទៅងូតទឺកស្រះនៅក្បែរនោះ។
ក្រោយកើតហេតុសមត្ថកិច្ចជំនាញបានធ្វើកោសល្យវិច័យទៅលើសាកសព ពុំមានអ្វីស្លាកស្នាមនោះទេ ហើយបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕ដោយ សាវ័ន