ចេញពីខេត្តត្បូងឃ្មុំ មកម៉ៅស្វាយចន្ទីនៅខេត្តរតនគិរី ខ្យល់គរស្លាប់ក្នុងចម្ការ នៅស្រុកវើនសៃ
ខេត្តរតនគិរី÷ បុរសម្នាក់ បានខ្យល់គរស្លាប់ ក្នុងចម្ការស្វាយចន្ទី ស្ថិតក្នុងភូមិផាក់ណាម ឃុំកោះពាក់ ស្រុកវើនសៃ ខេត្តរតនគិរី កាលពីវេលាម៉ោង១និង៣០នាទីរសៀលថ្ងៃពុធ ១រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី២០ ខែកុម្ភៈ ឆ្នាំ២០១៩កន្លងទៅ។
មន្ត្រីនគរបាលស្រុកវើនសៃបានឲ្យដឹងថា សពជនរងគ្រោះឈ្មោះ លែម ពឺន ភេទប្រុស អាយុ៣៥ឆ្នាំ ជនជាតិខ្មែរ មានស្រុកកំណើត ភូមិច្រាប ឃុំវាលម្ឆូ ស្រុកពញាក្រែក ខេត្តត្បូងឃ្មុំ ទីលំនៅបច្ចុប្បន្នមកម៉ៅស្វាយចន្ទី នៅភូមិ/ឃុំកើតហេតុខាងលើ។
ក្រោយកើតហេតុ កម្លាំងនគរបាលប៉ុស្តិ៍កោះពាក់ ចុះទៅត្រួតពិនិត្យសាកសពនៅទីកន្លែងកើតហេតុ រួចប្រគល់ជូនបងប្អូនក្រុមគ្រួសារដើម្បីយកទៅធ្វើបុណ្យនៅឯស្រុកកំណើតតាមប្រពៃណី៕ ដោយ សាវ័ន
