មូលហេតុដែល Ronaldo ចង់ចាកចេញពី Real Madrid…!
កីឡា៖យោងតាមការចុះផ្សាយរបស់សារពត៌មាន Marca បានឲ្យដឹងថា៖ មូលហេតុដែលខ្សែប្រយុទ្ធ Cristiano Ronaldo ចង់ចាកចេញពីក្លឹបអធិរាជសរ Real Madrid នៅក្នុងរដូវក្ដៅនេះគឺដោយសារតែលោកមានអារម្មណ៍ថា រូបលោកលែងត្រូវបានទទួលការស្រឡាញ់ និងគាំទ្រទៀតហើយ។
កាលពីពេលថ្មីៗនេះក្លឹបអធិរាជសរ Real Madrid បានគោរពតាមគោលបំណង របស់ Ronaldo ហើយបានសម្រេចចិត្តដាក់លក់ខ្សែប្រយុទ្ធសញ្ជាតិព័រទុយហ្គាល់រូបនេះនៅក្នុងតម្លៃ 100លានផោន។ ខណៈពេលនេះក្លឹបអធិរាជសរ Real Madrid និងក្លឹបសេះបង្កង់ Juventus ខិតជិតឈានដល់ការចុះហត្ថលេខាផ្ទេរខ្សែប្រយុទ្ធ Cristiano Ronaldo ហើយ។
ក្នុងកំឡុងពេលទីផ្សារដោះដូរកីឡាកររដូវក្ដៅនេះក្លឹបសេះបង្កង់ Juventus បានផ្សារភ្ជាប់ទំនាក់ទំនងជាមួយនឹងខ្សែប្រយុទ្ធ Cristiano Ronaldo យ៉ាងខ្លាំង ស្របពេលដែល Ronaldo ចង់ចាកចេញពី Real Madrid៕
