ក្រុមក្មេងស្ទាវ ឆក់ទ្រព្យសម្បត្តិអ្នកដំណេីរ ស្ទេីរាល់រាត្រី នៅគល់ស្ពានស្ទឹងមានជ័យ ទាំងក្នុងខណ្ឌមានជ័យ ទាំងក្នុងខណ្ឌទួលគោក!
ភ្នំពេញ៖ បុរសម្នាក់ បេីកម៉ូតូ Zoomer មួយគ្រឿងឌុបនារីរូបស្រស់២នាក់ទៀត យឺតៗ ដោយដៃម្ខាងកំពុងនិយាយទូរស័ព្ទបណ្ដេីរ បេីកម៉ូតូបណ្ដេីរ លុះមកដល់ចំណុចផ្លូវជាប់គល់ស្ពានអាកាសស្ទឹងមានជ័យ មានជនសង្ស័យម្នាក់ ក្នុងចំណោមក្រុមក្មេងស្ទាវដែលពពាក់ពពូនគ្នានោះ ដេីរឆ្លងផ្លូវមកធ្វេីសកម្មភាព លូកដៃឆក់យកទូរស័ព្ទពីបុរសនោះ តែប៉ះដៃនារីដែលអង្គុយពីក្រោយ ធ្វេីឲ្យជ្រុះទូរស័ព្ទធ្លាក់នៅលេីថ្នល់ ហេីយរត់ចុះទៅក្រោមមាត់ប្រឡាយស្ទឹងមានជ័យ គេចខ្លួនបាត់ ស្រាប់តែមានបក្ខពួកម្នាក់ទៀត ក្នុងចំណោមគ្នាវា អង្គុយចាំលេីកង់បី PassApp ពណ៍ស មួយគ្រឿង នៅក្បែរកន្លែងនោះ ស្ទុះចុះមករេីសយកទូរស័ព្ទ រួចរត់គេចខ្លួនបាត់ស្រមោល កាលពីវេលាម៉ោង០២:១៥នាទីទាបភ្លឺ ឈានចូលថ្ងៃទី១៧ ខែកុម្ភៈ ឆ្នាំ២០១៩នេះ នៅត្រង់ចំណុច ក្រោមស្ពានអាកាសស្ទឹងមានជ័យ (គល់ស្ពានខាងស្ដាំ) ផ្លូវ២៧១ ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ។
បន្ទាប់ពីឃេីញហេតុការណ៍ដូច្នេះ សាក្សីក៏បានរាយការណ៍ផ្សាយសំលេងផ្ទាល់តាមវិទ្យុABC ដេីម្បីទាក់ទងប្រាប់សមត្ថកិច្ចចុះមកជួយអន្តរាគមន៍ និងផ្ញេីវិដេអូដែលថតសកម្មភាពបានតាមរយៈកាមេរ៉ាសុវត្ថិភាពនោះ ទៅឲ្យសមត្ថកិច្ចភ្លាមៗផងដែរ។
លោកអនុសេនីយ៍ឯក ម៉ៅ សាវឿន នាយប៉ុស្តិ៍នគរបាលស្ទឹងមានជ័យ១ បានអោយដឹងថា បន្ទាប់ពីទទួលបានដំណឹងនេះ រួមទាំងទទួលបានវិដេអូពីកាមេរ៉ាសុវត្ថិភាពនោះភ្លាម លោកពិនិត្យមេីលភ្លាម ដេីម្បីកំណត់មុខសញ្ញា រួចដឹកនាំកម្លាំងចុះឡោមព័ន្ធចំណុចកេីតហេតុ រួចនាំខ្លួនក្រុមក្មេងស្ទាវ ដែលពពាក់ពពូនគ្នាពេញកន្លែងកេីតហេតុនោះ យកទៅសួរនាំនៅស្នាក់ការប៉ុស្តិ៍តែម្ដង លោកបញ្ជាក់ថា ឃេីញសកម្មភាពច្បាស់ប៉ុណ្ណឹងហេីយ លោកមិនអាចទុកចោលមិនបង្ក្រាបបានទេ ។
