រពឺសដៃចូលលួចទូរស័ព្ទគេ ត្រូវប៉ូលិសចាប់ដាក់ខ្នោះ

ខេត្តរតនគិរី÷ ជនសង្ស័យ២នាក់ ត្រូវនគរបាលប៉ុស្តិ៍ឃាត់ខ្លួនពាក់ព័ន្ទករណីចោរកម្ម(លួចទូរស័ព្ទដៃ) កាលពីវេលាម៉ោង៥ និង៣០នាទីល្ងាចថ្ងៃចន្ទ ៣កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី១០ ខែធ្នូ​ ឆ្នាំ២០១៨ នៅចំណុចផ្ទះឈ្មោះ​ ហ៊ាង រ៉េន ស្ថិតនៅភូមិ១ សង្កាត់កាចាញ ក្រុងបានលុង។

លោក សួន សាវុធ នាយប៉ុស្តិ៍សង្កាត់កាចាញបានឲ្យដឹងថា ជនសង្ស័យឈ្មោះ ផែន ភារម្យ​ ភេទប្រុស អាយុ១៨ឆ្នាំ ជនជាតិខ្មែរ មានទីលំនៅនិងមុខរបរ មិនពិប្រាកដ។
២-ឈ្មោះ ធូ ណេត ភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិ១ សង្កាត់កាចាញ ក្រុងបានលុង ខេត្តរតនគិរី មុខរបរ សិស្ស។

ក្រោយពីការឃាត់ខ្លួនជនសង្ស័យទាំង២នាក់ត្រូវបាននគរបាលប៉ុស្តិ៍បញ្ជូនមកអធិការក្រុងបានលុងដើម្បីឃាត់ខ្លួនបណ្តោះអាសន្នរៀបចំសំណុំរឿងបញ្ជូនទៅអយ្យការអមសាលាដំបូងខេត្តចាត់វិធានការទៅតាមនិតិវិធីច្បាប់៕ដោយ សាវ័ន