ជនសង្ស័យ២នាក់ត្រូវសមត្ថកិច្ចជំនាញឃាត់ខ្លួនពាក់ព័ន្ធករណីគ្រឿងញៀន

ខេត្តរតនគិរី÷ កម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តរតនគិរីកាលពីថ្ងៃទី២៧ ខែវិច្ឆិកា ឆ្នាំ ២០១៨ វេលាម៉ោង១ និង៣០នាទី កម្លាំងជំនាញបានចុះបង្រ្កាបករណីជួញដូរនិង ប្រើប្រាស់ដោយខុសច្បាប់នូវសារធាតុញៀន នៅត្រង់ចំណុចភូមិព្រួក ឃុំប៉ាតាង ស្រុកលំផាត់ ឃាត់ខ្លួនជនសង្ស័យចំនួន០២ជាមុខសញ្ញា ដកហូតម្សៅក្រាមពណ៌សថ្លាសង្ស័យសារធាតុញៀន០៦កញ្ចប់។

សមត្ថកិច្ចនគរបាលបានឲ្យដឹងថា ជនសង្ស័យដែលត្រូវឃាត់ខ្លួន
១.ឈ្មោះ​ ឆាយ សុខា ភេទប្រុស អាយុ៤៣ឆ្នាំ ជនជាតិខ្មែរ
២.ឈ្មោះ​ ហ៊ុន ហុក ភេទប្រុស អាយុ១៩ឆ្នាំ ជនជាតិទំពួន
ក្រោយពីបានឃាត់ខ្លួនធ្វើតេស្តទឹកនោមលទ្ធផលវិជ្ជមាន(+) ទាំង ០២នាក់។

ក្នុងនោះសមត្ថកិច្ចបានដកហូតវត្ថុតាងរួមមាន៖
ម្សៅក្រាមពណ៌សថ្លាសង្ស័យជាសារធាតុញៀនចំនួន០៦កញ្ចប់​ទម្ងន់០៨.៣២ក្រាមទាំងសំបកថង់ ទូរស័ព្ទដៃ០២គ្រឿង ម៉ូតូ០១គ្រឿង សម្ភារៈសម្រាប់សេពថ្នាំញៀនមួយចំនួន។

បច្ចុប្បន្នជនសង្ស័យរួមទាំងវត្ថុតាងត្រូវកម្លាំងជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តដើម្បីចាត់ការតាមនិតិវិធី៕ ជាយដែន