គួរឲ្យសរសើរ! ខេមរៈ សិរីមន្ដ យកថ្ងៃខួបកំណើត ធ្វើរឿងមួយដើម្បីសង្គម
ភ្នំពេញ៖ តារាចម្រៀងល្បីឈ្មោះប្រចាំផលិតកម្ម ហង្សមាស លោក ខេមរៈ សិរីមន្តបានយកថ្ងៃខួបកំណើតរបស់ខ្លួន ធ្វើរឿងមួយជួយដល់សង្គម និងទទួលបានការសរសើរពីមហាជនថា ជាតារាគំរូមួយរូប ដែលយកថ្ងៃសំខាន់មកលះបង់ធ្វើការងារ ដើម្បីសង្គមបែបនេះ។
បើតាមហ្វេសបុករបស់ តារាចម្រៀងបុរសសង្ហារ លោក ខេមរៈ សិរីមន្ត បានសរសេរសារថា “រាល់ការធ្វើទង្វើល្អដល់សង្គម ចូលកុំមានការខ្មាសអៀនឡើយ។ ថ្ងៃនេះជាថ្ងៃកំណើតរបស់ខ្ញុំ ខ្ញុំនិងធ្វើការងារបរិស្ថាន និងជួយចែករំលែកការងារបងៗផ្នែកអនាម័យ និងចង់ស្វែងយល់អំពីការងាររបស់ពួកគាត់ផងដែល ចូលទុកដាក់សំរាមអោយបានត្រឹមត្រូវ ធ្វើអោយបរិស្ថាន ស្អាត់សុខភាពល្អសម្រាប់សង្គមជាតិទាំងអស់គ្នា”។
តាមរយៈកាយវិកាបែបនេះ បានសរបញ្ជាក់ថា ជាគំរូល្អមួយក្នុងនាម ជាអ្នកសិល្បៈ ដែលបំផុសគំនិតក្នុងការជួយការងារសង្គមបែបនេះ ហើយសង្ឃឹមថាការងារនេះ និងធ្វើឲ្យអ្នកគាំទ្រ និងបងប្អូនប្រជាពលរដ្ឋ កាន់តែស្រលាញ់បរិស្ថានស្អាត ចូលរួមថែរក្សាទាំងអស់គ្នា។
