ចោរឆក់បណ្តាលអោយមនុស្សស្លាប់ទាំងព្រលឹម!!!
២នាក់ប្ដីប្រពន្ឋ ជិះម៉ូតូ ដេញតាមចោរឆក់កាបូបរបស់ខ្លួន ត្រូវចោរធាក់ម៉ូតូបណ្តាលអោយរ៉េចង្កូតទៅបុកថូផ្កា ដួលស្លាប់ប្តី ចំណែែកប្រពន្ឋរងរបួសធ្ងន់
ភ្នំពេញ៖ ហេតុការណ៍នេះបានកើតឡើងវេលាម៉ោង ៦ព្រឹក ថ្ងៃទី៣ខែវិច្ឆិកា ឆ្នាំ២០១៨ នៅចំណុចផ្លូវ២៩៤កែងនឹងមហាវិថីព្រះនរោត្តម សង្កាត់បឹងកេងកង១ ខណ្ឌចំការមន។
ប្តីប្រពន្ឋ២នាក់បានជិះម៉ូតូមួយគ្រឿងដឹកផ្កាទៅលក់មុខព្រះបរមរាជវាំង ខណ:ពេលជិះម៉ូតូមកដល់ពាក់កណ្តាលផ្លូវក៏លេចមុខជនសង្ស័យមួយក្រុមជិះម៉ូតូ២គ្រឿង។ជននោះបានធ្វើសកម្មភាពឆក់កាបូបជាប់នឹងចង្កេះប្រពន្ធបានសម្រេចហើយជិះរត់គេចខ្លួន។
ដោយស្តាយរបស់ទ្រព្យពួកគាត់ក៏បានជិះប្រដេញតាមក៏ត្រូវបក្ខពួកជនសង្ស័យបានជិះម៉ូតូមកពីក្រោយគាត់ហើយបានធាក់ដៃចង្កូតម៉ូតូគាត់បណ្តាលឱ្យរ៉េចង្កូតដួល បោកផ្ទប់នឹងផើងផ្កាបណ្តាលឱ្យប្តីបែកក្បាលស្លាប់ភ្លាមៗនៅកន្លែងកើតហេតុ។
ចំណែកប្រពន្ធរងរបួសស្រាលប្រពន្ធឈ្មោះ សឿន ស៊ីម អាយុ3៣ឆ្នាំ មុខរបរលក់ផ្កា នៅមុខព្រះបរមរាជវាំង។
ចំណែកប្តីដែលបានស្លាប់នោះឈ្មោះ ចយ អាង អាយុ3៦ មុខរបរលក់ផ្កានៅព្រះបរម រាជវាំង ទាំងពីរនាក់ស្នាក់នៅផ្ទះជួល សង្កាត់ផ្សារដើមថ្កូវ ខណ្ឌចំការមន មានស្រុកកំណើត នៅភូមិជ្រៃ ឃុំរាប ស្រុកពាមរាំង ខេត្ត ព្រៃវែង ជិះម៉ូតូមួយគ្រឿងម៉ាក សង់សេ125 ស៊េរីឆ្នាំ2012 ពណ៌ខ្មៅ ពាក់ស្លាកលេខភ្នំពេញ 1BF 4859។
ជនរងគ្រោះជាប្រពន្ធ ត្រូវបានសមត្ថកិច្ចហៅទៅសាកសួរ នឹងដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបឹងកេងកង1។
ចំណែកសពបុរសជាប្តីត្រូវសមត្ថកិច្ចធ្វើកំណត់ហេតុនឹងប្រគល់សពអោយទៅសាច់ញាតិដឹកយកទៅធ្វើបុណ្យនៅស្រុកកំណើតតាមប្រពៃណី៕
