ឯកឧត្តម ថាំង ប៊ុនសុង អនុប្រធានទី២ សមាគមសេរីភាពអ្នកសារព័ត៍មានកម្ពុជា និងជា នាយការផ្សាយគេហទំព័រ ថ្មីពិត ត្រូវបាន សម្ដេចវិបុលសេនាភក្ដី សាយ ឈុំ ប្រមុខរដ្ឋស្ដីទី បានចេញព្រះរាជក្រឹត្យ តែងតាំងជាទីប្រឹក្សារបស់រាជរដ្ឋាភិបាលកម្ពុជា មានឋានៈស្មើអនុរដ្ឋលេខាធិការ
ភ្នំពេញ៖ ឯកឧត្តម ថាំង ប៊ុនសុង ដែលបានប្រឡូកក្នុងកិច្ចការបម្រើសង្គមជាតិជិត២០ឆ្នាំ ជាអតីតមន្ត្រីសង្គមស៊ីវិល នៃអង្គការក្រៅរដ្ឋាភិបាល និងបច្ចុប្បន្ន អនុប្រធានទី២ សមាគមសេរីភាពអ្នកសារព័ត៍មានកម្ពុជា និង ចាងហ្វាង គេហទំព័រព័ត៌មាន ថ្មីពិត (www.thmeypit.com) ត្រូវបានសម្ដេចវិបុលសេនាភក្ដី សាយ ឈុំ ប្រមុខរដ្ឋស្ដីទី បានចេញព្រះរាជក្រឹត្យ តែងតាំងជាទីប្រឹក្សារបស់រាជរដ្ឋាភិបាលកម្ពុជា មានឋានៈស្មអនុរដ្ឋលេខាធិការ នៅក្នុងអាណត្តថ្មី ក្នុងនីតិកាលទី៦នេះ។
ការចេញព្រះរាជក្រឹត្យតែងតាងនោះដែរ ក្នុងចំណោមទីប្រឹក្សារាជរដ្ឋាភិបាល នីតិកាលទី៦ ដែលទើបតែងតាំងសរុប ២០៧ រូប គឺមានទីប្រឹក្សាជាជនបរទេស ចំនួន ១១ រូប។ ក្នុងនោះ ០៩ រូប មានឋានៈស្មើរដ្ឋមន្ត្រី ០១រូប មានឋានៈស្មើនឹងរដ្ឋលេខាធិការ និង០១រូប មិនមានឋានៈស្មើអ្វីទេ ហើយក៏មានទីប្រឹក្សាបរទេស ០៤រូប មិនទទួលប្រាក់បៀវត្សឡើយ។
ក្នុងព្រះរាជក្រឹត្យ តែងតាំងទីប្រឹក្សារាជរដ្ឋាភិបាល ទាំង ២០៧ រូប បានបង្ហាញឈ្មោះ ទីប្រឹក្សាបរទេសទាំង ១១រូប រួមមាន៖
៧១-ឯកឧត្តម ហារុហ៊ីសា ហាន់ដា មានឋានៈស្មើរដ្ឋមន្ត្រី មិនទទួលប្រាក់បៀវត្ស
៧២-ឯកឧត្តម អាស៊ីឌីន បេឆាអ៊ូជ មានឋានៈស្មើរដ្ឋមន្ត្រី មិនទទួលប្រាក់បៀវត្ស
៧៣-ឯកឧត្តម ក្លូត ហ្គួរ មានឋានៈស្មើរដ្ឋមន្ត្រី
៧៤-ឯកឧត្តម ប្រេតតុន ស្ការូន្នី មានឋានៈស្មើរដ្ឋមន្ត្រី
៧៥-ឯកឧត្តម រ៉ាអ៊ូល ម៉ាក ជេណា មានឋានៈស្មើរដ្ឋមន្ត្រី
៧៦-ឯកឧត្តម អាឡាំង បេនីស៊ី មានឋានៈស្មើរដ្ឋមន្ត្រី
៧៧-លោកជំទាវ ហេឡិន ចាវីស មានឋានៈស្មើរដ្ឋមន្ត្រី
៧៨-ឯកឧត្តម ចេន លីបគង់ មានឋានៈស្មើរដ្ឋមន្ត្រី
៧៩-ឯកឧត្តម តេរូអូ ជីនណៃ មានឋានៈស្មើរដ្ឋមន្ត្រី
៨០-ឯកឧត្តម យ៉ាម៉ាដា យ៉ូស៊ីតាកា មានឋានៈស្មើរដ្ឋលេខាធិការ មិនទទួលប្រាក់បៀវត្ស
៨១-ឯកឧត្តម ចន ជី រាយស៍ មិនទទួលប្រាក់បៀវត្ស
ឥស្សរជនបរទេសទាំង ១១រូប ដែលត្រូវបានតែងតាំងជាទីប្រឹក្សារាជរដ្ឋាភិបាល នៅអាណត្តិទី៦នេះ មកពីប្រទេសជប៉ុន ទុយនីស៊ី បារាំង អាមេរិក បែលហ្ស៊ិក អូស្ត្រាលី និងម៉ាឡេស៊ី។
ព្រះរាជក្រឹត្យ ចុះថ្ងៃទី២២ ខែកញ្ញា ឆ្នាំ២០១៨ ដែលបានផ្សព្វផ្សាយជាសាធារណៈ នៅថ្ងៃទី២៦ ខែកញ្ញា ឆ្នាំ២០១៨ បង្ហាញថា រាជរដ្ឋាភិបាលកម្ពុជា នីតិកាលទី៦នេះ មានទីប្រឹក្សា សរុបចំនួន ២០៧ រូប ដែលក្នុងនោះ ទីប្រឹក្សាមានឋានៈស្មើឧបនាយករដ្ឋមន្ត្រី ចំនួន ០៣រូប ឋានៈស្មើទេសរដ្ឋមន្ត្រី ១ ៣រូប ឋានៈស្មើរដ្ឋមន្ត្រី ៦៣រូប ឋានៈស្មើរដ្ឋលេខាធិការ ៤៤រូប និងឋានៈស្មើអនុរដ្ឋលេខាធិការ ៨៣រូប ព្រមទាំង ១រូប មិនមានឋានៈ។
សូមរម្លឹកថា ចំនួនទីប្រឹក្សារបស់រាជរដ្ឋាភិបាលកម្ពុជា នីតិកាលទី៦ ដែលត្រូវបានប្រកាសតែងតាំង កាលពីថ្ងៃទី២២ ខែកញ្ញា ឆ្នាំ២០១៨ មានចំនួនកើនឡើង បើធៀបនឹងទីប្រឹក្សារបស់រាជរដ្ឋាភិបាល នីតិកាលទី៥ ដែលមានចំនួន ៤៧ រូបប៉ុណ្ណោះ៕ 
