បុរសម្នាក់បើករថយន្តម៉ាកព្រូសមួយគ្រឿងបោះពួយពីលើស្ពានបេឡេចុះមកព្រលះសួនច្បារខឿនបែងចែកទ្រូងផ្លូវរងការខូចខាតយ៉ាងដំណំ

ភ្នំពេញ៖មានករណីគ្រោះថ្នាក់ចរាចរណ៍មួយបានកើតឡើងដែលបង្កឡើងដោយបុរសម្នាក់បើករថយន្តម៉ាករូបមួយគ្រឿងបើកក្នុងល្បឿនលឿនបស់ពួយពីលើស្ពានបេឡេចុះមកបួងចង្កូតមិនទាន់ក៏ព្រលះជាមួយនឹងសួនច្បារខឿនពុះចែកទ្រូងផ្លូវបណ្ដាលឱ្យរងការខូចខាតយ៉ាងដំណំសំណាងល្អមិនបណ្ដាលឲ្យមានមនុស្សរងរបួស។

ហេតុការណ៍នេះបានកើតឡើងកាលពីវេលាម៉ោង 11 និង 20នាទីយប់ថ្ងៃទី20 ខែកញ្ញាឆ្នាំ 2018 ស្ថិតតាមបណ្ដោយផ្លូវជាតិលេខ 5 ក្នុងសង្កាត់ឫស្សីកែវ ខណ្ឌឫស្សីកែវរាជធានីភ្នំពេញ

ប្រភពព័ត៌មានពីប្រជាពលរដ្ឋនៅកន្លែងកេីតហេតុបានអោយដឹងថាមុនកេីតហេតុគេបានបេីករថយន្តមួយគ្រឿងម៉ាកព្រុស ពណ៌សរ គ្មានស្លាកលេខ បានធ្វេីដំណេីរក្នុងទិសដៅពីកេីតទៅលិច គោលដៅចុះពីលេីស្ពានបេឡេបេីកបោះពួយយ៉ាងលឿនលុះមកដល់ចំណុចកេីតហេតុបួងចង្កូតមិនទាន់ក៏បណ្ដាលអោយបុកជាមួយនឹងឃឿនសួរច្បារពុះចែកទ្រូងផ្លូវបែកបាក់ជាច្រេីនកំណាត់ ចំណេករថយន្តរងការខូចខាតផ្នែកខាងមុខយ៉ាងដំណំ។

ក្រោយកើតហេតុសមត្ថកិច្ចមូលដ្ឋានបានចុះមកដល់ធ្វើការវាស់វែងរួចរាល់និងយករថយន្តដែលរងការខូចខាតនេះទៅរក្សាទុកដើម្បីរងចាំការដោះស្រាយគ្នានៅពេលក្រោយតាមនីតិវិធីច្បាប់ ៕