ផ្លូវលំមួយខ្សែដែលមានលក្ខណៈលំបាកខ្លាំងនៅរដូវវស្សា ក្នុងភូមិបរឡយ ត្រូវបានជួសជុលឡើងវិញ ក្រោមការឧបត្ថម្ភរបស់ លោកឧកញ៉ា ចិន សំណាង…

ខេត្តរតនគិរី ៖ បន្ទាប់ពីមានការត្អូញត្អែរពីប្រជាពលរដ្ឋថា ផ្លូវក្នុងភូមិរបស់ពួកគាត់មានលក្ខណៈលំបាកធ្វើដំណើរ នូវរដូវវស្សានេះ លោកឧកញ៉ា ចិន សំណាង ម្ចាស់ហាងពេជ្រ CSNJ ជាសប្បុរសជន ដែលធ្លាប់បរិចាកធនធានផ្ទាល់ខ្លួនកន្លងមក ក៏បានបរិចាកថវិការបន្ថែម ដើម្បីជួសជុលផ្លូវនេះជូនពួកគាត់។

ផ្លូវលំមួយខ្សែដែលលោកឧកញ៉ា ចិន សំណាង ចំណាយថវិការផ្ទាល់ខ្លួន ជួសជុលនោះ ស្ថិតក្នុងភូមិបរឡយ ឃុំរ៉យ ស្រុកបរកែវ ដែលមានប្រវែង ១០០០ម៉ែត្រ ចំណាយថវិកាអស់ចំនួន ៥០០០ដុល្លាសហរដ្ឋអាមេរិក។

ប្រជាពលរដ្ឋក្នុងភូមិបរឡយ មានចិត្តត្រេកអរយ៉ាងខ្លាំង ព្រមទាំងថ្លែងអំណរគុណដល់លោកឧកញ៉ាចិត្តធម៌ ចិន សំណាង ដែលបានចំណាយថវិការយ៉ាងច្រើនលើសលុប មកលើភូមិរបស់ពួកគាត់ កន្លងមកដូចជា សាងសង់សាលារៀន ជូនថវិការដល់វត្តបរឡយ ក្នុងការសាងសង់សាលាឆាន់ ឧបត្ថមថវិការដល់គ្រូស្ម័គ្រចិត្ត ប្រកេនចង្ហាន់ដល់ព្រះសង្ឃ ដែលគង្គក្នុងវត្ត ចែកអំណោយគ្រឿងឧបភោគ បរិភោគ ព្រមទាំងថវិការដល់ក្រុមគ្រួសារក្នុងភូមិ ចែកសម្ភារៈសិក្សា និងថវិការ ដល់កុមារ ហើយពេលនេះចំណាយថវិការជួសជុលផ្លូវទៀត។ ពួកគាត់ ក៏បានជូនពរដល់លោកឧកញ៉ា ចិន សំណាង ព្រមទាំងក្រុមគ្រួសារ អោយរកទទួលទាន សមប្រកប មានបាន សុខភាពល្អ ជោគជ័យគ្រប់ភារកិច្ច     ព្រមទាំងប្រសិទ្ធិពរ ទាំងបួន ប្រការ គឺអាយុវណ្ណៈ សុខៈ ពលៈ កុំបីឃ្លៀងឃ្លាតឡើយ។ មិនត្រឹមតែប៉ុណ្ណោះ ពួកគាត់ក៏សូមបួងសួងដល់អារុក អារៈ អ្នកតាព្រៃភ្នំ ម្ចាស់ទឹក ម្ចាស់ដី នៅភូមិបរឡយ សុំអោយតាមបីបាច់ថែរក្សាលោកឧកញ៉ា ព្រមទាំងក្រុមគ្រួសារ អោយជួបតែសេចក្ដីសុខសេចក្តីចម្រើនផងដែរ៕