ផ្សារទំនើប Lucky បើកដំណើរសាខាថ្មី នៅឈូកមាសផ្លាហ្សា
ភ្នំពេញ៖ ក្រុមហ៊ុន ឌីហ្វេសអាយឡាក់គី គឺជាក្រុមហ៊ុនឈានមុខគេ លើវិស័យលក់រាយនៅលើទីផ្សារកម្ពុជា។ ដោយសារមានការគាំទ្រ ពីអតិថិជនអស់រយៈពេល២៥ឆ្នាំ រហូតមកដល់ពេលនេះ ក្រុមហ៊ុនបានពង្រីកសាខាផ្សារទំនើប lucky សាខាឈូកមាស ហើយនិងដំណើរការជាផ្លូវការ នៅថ្ងៃទី៨ ខែសីហា ឆ្នាំ២០១៨។
ក្រុមហ៊ុន ឌីហ្វេសអាយឡាក់គី គឺជាក្រុមហ៊ុនឈានមុខគេ លើវិស័យលក់រាយ នៅលើទីផ្សារកម្ពុជា ដែលមានបុគ្គលិកច្រើនជាង ១០០០នាក់។ ដោយមានការខិតខំប្រឹងប្រែងយកចិត្តទុកដាក់ពីបុគ្គលិកថ្នាក់ដឹកនាំ គ្រប់ជាន់ថ្នាក់ទាំងអស់ ក្រុមហ៊ុននឹងប្តេជ្ញាថែរក្សាជាផ្សារទំនើប ដែលឈានមុខគេ នៅប្រទេសកម្ពុជា ដែលមានលក់នៅផលិតផលគ្រប់មុខដែលមាន គុណភាពល្អដើម្បីឆ្លើយតបនិងតម្រូវការរបស់អតិថិជន និងផ្តល់ភាពពេញចិត្តគ្រប់ពេលដែលមកផ្សារទំនើបមួយនេះគ្រប់សាខា។
ផ្សារទំនើប Lucky តែងតែផ្តោតសំខាន់លើការផ្តល់ជូនអតិថិជននូវទំនិញ ដែលមានគុណភាពល្អបំផុត និងផលិតផលគ្រប់ប្រភេទ ដែលមានសក្តានុភាព សម្រាប់ការប្រើប្រាស់ដល់អតិថិជន។ ក្រុមហ៊ុនមានមោទនភាពនិងរីករាយខ្លាំង ចំពោះការបើកសម្ពោធសាខាថ្មី ដែលផ្តល់នូវទំនិញស្រស់ៗគុណភាពល្អ តម្លៃសមរម្យនិងទីតាំងងាយស្រួលនៅជិតផ្ទះរបស់អតិថិជន៕
