រកមុខរបររកស៉ីមិនបាន ទៅជួញដូរថ្នាំញៀនជាប់ខ្នោះសមត្ថកិច្ច

ខេត្តរតនគិរី÷ ជនសង្ស័យម្នាក់ ត្រូវនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តឃាត់ខ្លួនពាក់ព័ន្ធករណីជួញដូរដោយខុសច្បាប់នូវសារធាតុញៀន។

សមត្ថកិច្ចចុះបង្ក្រាបនេះធ្វើឡើងនៅវេលាម៉ោង១២និង ១៥នាទីថ្ងៃត្រង់ ថ្ងៃសៅរ៍ ៨រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៤ ខែសីហា ឆ្នាំ២០១៨ នៅត្រង់ចំណុចដីឡូមួយកន្លែង ស្ថិតនៅក្នុងភូមិឡាប៉ូ សង្កាត់យក្ខឡោម ក្រុងបានលុង។

សមត្ថកិច្ច បានឲ្យដឹងថា ជនសង្ស័យ ឈ្មោះ គង់ ជម្ពូវន្ត័ ហៅស្នា ភេទប្រុស អាយុ២០ឆ្នាំ មានទីលំនៅបច្ចុប្បន្នមិនពិតប្រាកដ មានស្រុកកំណើតភូមិពពាលខែ ឃុំដីឥដ្ឋ ស្រុកគៀនស្វាយ ខេត្តកណ្កាល បានធ្វើតេស្តទឹកនោមលទ្ធផលវិជ្ជមាន(+)។

ក្នុងនោះដែរសមត្ថកិច្ចបាន ដកហូតវត្ថុតាងរួមមាន:
ម្សៅក្រាមពណ៌សថ្លា សង្ស័យជាសារធាតុញៀនចំនួន១ថង់ធំល្មមទម្ងន់១.៣៧ក្រាម ទូរស័ព្ទដៃចំនួន០១គ្រឿងម៉ូតូ ចំនួន០១គ្រឿងម៉ាកMSXពាក់ស្លាកលេខរតនគិរី1C.9224។

បច្ចុប្បន្នជនសង្ស័យរួមនិងវត្ថុតាងត្រូវបានសមត្ថកិច្ចឃាត់ខ្លួនបណ្តោះអាសន្ននៅការិយាល័យជំនាញនៃស្នងការនគរបាលខេត្តដើម្បីកសាងសំណុំរឿងបញ្ជូនទៅអយ្យកាអមសាលាដំបូងខេត្តចាត់វិធានការតាមនិតិវិធីច្បាប់៕ដោយ តាជួង