ប្រជាពលរដ្ឋក្រីក្រចំនួន៣គ្រួសារទទួលបានអំណោយមនុស្សធម៌ ពីសាខាកាកបាទក្រហមកម្ពុជាខេត្ត

ស្រុកស្អាង ខេត្តកណ្តាល៖ នៅថ្ងៃសុក្ខ១១រោច ខែកត្តិក ឆ្នាំថោះ បញ្ចសក័ ពុធសករាជ ២៥៦៧ ត្រូវនឹងថ្ងៃ០៨ ខែធ្នូ ឆ្នាំ២០២៣នេះ ឯឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល នឹងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានចាត់លោក ទៀង សុគន្ធ នាយកសាខាកាកបាទក្រហមកម្ពុជាខេត្តកណ្តាល និងសហការី ព្រមទាំងមានការអញ្ជើញចូលរួមពីលោក ជី គីមហៃ អភិបាលស្រុកស្អាង នឹងប្រតិភូអនុសាខាកាកបាទក្រហមកម្ពុជាស្រុកស្អាង បានចុះសួរសុខទុក្ខ និងនាំយកអំណោយមនុស្សធម៌ចែកជូនដល់គ្រួសារក្រីក្រចំនួន៣គ្រួសារ ដែលស្ថិតនៅ ឃុំតាលន់ ស្រុកស្អាង ខេត្តកណ្តាល ។

ប្រសាសន៍ក្នុងនាឱកាស ចុះសួរសុខទុក្ខនេះលោក ទៀង សុគន្ធ នាយកសាខា បាននាំមកនូវការផ្ដាំផ្ញើសាកសួរសុខទុក្ខពីសំណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម គង់ សោភ័ណ្ឌ ប្រធានគណៈកម្មាធិការសាខា ដោយក្ដីនឹករលឹក និងអាណិតអាសូរជាទីបំផុត។

លោកនាយកសាខា បានបន្តទៀតថា កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន សម្ដេចតែងគិតគូរជានិច្ចអំពីសុខទុក្ខរបស់ប្រជាពលរដ្ឋទូទៅនៅគ្រប់ពេលវេលា និងថែមទាំងបានណែនាំជាប្រចាំ ដល់មន្រ្តីនៅថ្នាក់មូលដ្ឋានទាំងអស់ ត្រូវពិនិត្យមើលពីជីវភាពរស់នៅរបស់ប្រជាពលរដ្ឋ ព្រមទាំងចុះសួរសុខទុក្ខដល់ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ពោលគឺទីណាមានការលំបាក ទីនោះមានកាកបាទក្រហមកម្ពុជា ហើយការជួយគឺធ្វើឡើងដោយ មិនប្រកាន់បក្សពួក និន្នាការនយោបាយ និងសាសនាអ្វីឡើយ។

អំណោយដែលសាខា រួមនឹងអនុសាខា បានផ្ដល់ជូនរួមមាន អង្ករ ១៨០គីឡូក្រាម, មី ២កេស, ត្រីខ ២០កំប៉ុង, ទឹកត្រី ២យួរ, ទឹកសុទ្ធ ២កេស, ឃីត២កញ្ចប់,សម្ភារៈផ្ទះបាយ ,និងថវិកា ចំនួន១លាន ៦០ម៉ឺនរៀលផងដែរ ។