នគរបាលស្រុកសំឡូត ឃាត់ខ្លួនមុខសញ្ញាគ្រឿងញៀនម្នាក់

បាត់ដំបង ៖ កាលពីថ្ងៃទី២៧ខែវិច្ឆិកាឆ្នាំ២០២៣ នៅចំណុចភូមិសំឡូត ឃុំសំឡូត ស្រុកសំឡូត ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាល ខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារនគរបាលប្រឆាំងគ្រឿងញៀន លោកវរសេនីយ៍ទោ ម៉ែន រីម អធិការនគរបាលស្រុកសំឡូត បានដឹកនាំកម្លាំងផ្នែកប្រឆាំងគ្រឿងញៀន និងកម្លាំងប៉ុស្ដិនគរបាលរដ្ឋាបាលសំឡូត ចុះល្បាតក្នុងភូមិសាស្ត្រខាងលើ បង្រ្កាបបានករណី រក្សាទុកដោយខុសច្បាប់នូវសារធាតុញៀន ចំនួន០១ ករណីឃាត់ខ្លួនជនសង្ស័យបានចំនួន ០១នាក់មានឈ្មោះ កង សុកក្កដា ហៅគុណ ភេទប្រុស អាយុ២៣ឆ្នាំ រស់នៅភូមិបឹងរុន ឃុំសឡូត ស្រុកសំឡូត ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន០១កូនថង់ ទម្ងន់ ៣,៩១ក្រាម(ទាំងសំបក) សង្ស័យមានសារធាតុញៀន ។
-ទូរស័ព្ទដៃចំនួន០១ (ចាស់)។
– ម៉ូតូចំនួន ០១គ្រឿង ម៉ាហុងដាឌ្រីម ពណ៍ខ្មៅ ផលិតឆ្នាំ២០២០ ដែលមានលេខតួនិងម៉ាស៊ីន ND 125ME -5852461 ពាក់ស្លាកលេខ បាត់ដំបង 1AL- 77 98។
ករណីនេះ នគរបាលស្រុកកសាងសំណុំរឿងបញ្ជូនជនសង្ស័យនិងវត្ថុតាងមកស្នង ការដ្ឋាននគរបាលខេត្តបាត់ដំបងចាត់ការតាមផ្លូវច្បាប់៕