ស្លាប់មួយពព្រិចភ្នែកក្រោយដេញចាប់ក្របីរួចត្រូវក្របីវាត់ចំគល់ថ្គាមខាងឆ្វេងនិងលើចិញ្ចើមខាងស្តាំ!

ស្ទឹងត្រែង  ៖ បុរសម្នាក់បានស្លាប់ភ្លាមៗនៅនិងកន្លែងកើតហេតុបន្ទាប់ពីបុរសនោះបានបណ្តើរក្របីចុះទន្លេនិងឡើងទូកដើម្បីនាំចេញទៅក្រៅស្រុកប៉ុន្តែដោយខ្សែរចងក្របីបានទាក់ជាមួយនឹងដើមឈើ បុរសនោះជនរងគ្រោះបានយកកាំបិតកាត់ផ្តាច់ខ្សែ ធ្វើអោយសត្វក្របីផ្អើលខណះនោះជនរងគ្រោះបានដេញតាមចាប់ពីក្រោយក៍ត្រូវក្របីវាត់បណ្តាលអោយស្លាប់នៅនឹងកន្លែង។

ករណីខាងលើនេះត្រូវគេរាយការណ៍ថាបានកើតឡើងកាលពីថ្ងៃទី២៣ខែកក្តដាឆ្នាំ២០១៨ស្ថិតនៅចំណុចភូមិសាម៉(ទន្លេរ)ឃុំសេកុងស្រុកសៀមប៉ាង។

អធិការស្រុកសៀមប៉ាង លោកជឹម អេន អោយដឹងថាជនរងគ្រោះឈ្មោះ ផាន់ ធុយ ភេទ ប្រុសអាយុ ៣៤ ឆ្នាំ ជនជាតិ ខ្មែរ មុខរបរ កសិករ រស់នៅភូមិ ផាបាំង ឃុំថ្មកែវស្រុកសៀមប៉ាង។

លោកថា ជនរងគ្រោះជាអ្នកសីុឈ្នួលដឹកក្របីអោយឈ្មួញកណ្តាលហើយមុនពេលកើតហេតុជនរងគ្រោះបានបណ្តើរក្របីចុះទូកតែដោយសារជាប់ខ្សែជាមួយដើមឈើជនរងគ្រោះយកកាំបិតទៅកាត់ផ្តាច់ខ្សែក្របីផ្អើលរត់សំដៅទៅផ្ទះរបស់វាវិញហើយជនរងគ្រោះ បានដេញតាមចាប់ពីក្រោយលុះបាត់មួយសន្ទុះធំគេប្រទះឃើញម្ចាស់ក្របីបណ្តើរសត្វក្របីនោះមកវិញតែបាត់ជនរងគ្រោះទើបនាំគ្នាដើររកក៍ប្រទះឃើញស្លាប់ក្នុងថ្លុកឈាមដោយមានដានជើងក្របីជាន់សុះដីក្បែសាកសព។

ក្រោយកើតហេតុមន្ត្រីនគរបាលប៉ុស្តិ៍បានបញ្ជាក់ថាតាមការពិនិត្យកោសល្យវិច្ច័យលើសាកសពជនរងគ្រោះគឺត្រូវសត្វក្របីវាត់ចំគល់ថ្គាមខាងឆ្វេងនិងលើចិញ្ចើមខាងស្តាំបណ្តាលអោយស្លាប់នៅនឹងកន្លែងពិតប្រាកដមែនបន្ទាប់មកទើបមន្ត្រីនគរបាលបានប្រគល់សាកសពជូនគ្រួសារនាំយកទៅធ្វើបុណ្យតាមប្រពៃណី៕ឡុងកាន់សំនៀង