នគរបាលចាប់យុជនម្នាក់វ៉ៃខ្នោះភ្លាមៗដោយសង្សយ័ពាក់ពន្ធ័ករណីជួញដូរដោយខុសច្បាប់នូវសារធាតុញៀន(ម៉ាកទឹកកក)

ខេត្តកណ្តាល(សភារាជ)
ហេតុការណ៍កើតឡើងនៅថ្ងៃទី ២៦.ខែតុលា.ឆ្នាំ២០២១ វេលាម៉ោង ១៦នឹង៣០នាទីរសៀល។
នៅចំណុចភូមិព្រែកដូង២ ឃុំកំពង់ស្វាយ ស្រុកកៀនស្វាយ ខេត្តកណ្តាល។
ជនសង្ស័យ០១នាក់ឈ្មោះខន ចាន់ធី ភេទ ប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកដូង២ ឃុំកំពង់ស្វាយ ស្រុកកៀនស្វាយ ខេត្ត កណ្តាល។
វត្ថុតាងចាប់យករួមមានម្សៅក្រាមពណ៍សថ្លាសង្ស័យសារធាតុញៀនខុសច្បាប់ (ម៉ាទឹកកក) ចំនួន០១កញ្ចប់ធំ ទំងន់ ២៥,៦៤ក្រាមនឹងទូរស័ព្ទដៃ០១គ្រឿង ម៉ាក OPPO ពណ៍ខ្មៅ។
សូមបញ្ចាក់ថាៈបើយោងតាមសមត្ថកិច្ចឲ្យដឹងនៅថ្ងៃកើតហេតុខាងលើកម្លាំងប៉ុស្តិ៍នគរបាលកំពង់ស្វាយ សហការជាមួយប្រជាការពារបានដេីរល្បាតតាមភូមិសាស្រ្ត ក្នុងមូលដ្ឋានឃុំកំពង់ស្វាយលុះមកដល់ចំណុចកើតហេតុ ក៏ឃេីញជនសង្ស័យម្នាក់ កំពុងដើរតាមផ្លូវលំម្នាក់ឯង ដោយមានការសង្ស័យកំលាំងសមត្ថកិច្ចក៏បានហៅឈប់សួនាំតែជនសង្ស័យមិនបានឈប់ទេ ក៏រត់ហើយបានក្រវែងថ្នាំញៀនចោលរួចក៏បានដេញតាមឃាត់ខ្លួនបាន ពេលនោះសមត្ថកិច្ចក៏ឃាត់ខ្លួនជនសង្ស័យនិងដកហូតវត្ថុតាង ថ្នាំញៀន(ម៉ាទឹកកក)ចំនួន០១កញ្ចប់ធំ រួចក៍យកមកប៉ុស្ដិ៍នគរបាលរដ្ឋបាលកំពង់ស្វាយដើម្បីធ្វើការសាកសួរ
នៅចំពោះមុខសមត្ថកិច្ចជនសង្ស័យ បានសារភាពថា ថ្នាំញៀន(ម៉ាទឹកកក) ០១កញ្ចប់ធំ នេះពិតជារបស់ខ្លួនប្រាកដមែនដោយខ្លួនបានទិញពីមនុស្សប្រុសមិនស្គាល់អត្តសញ្ញាណម្នាក់នៅចំណុចផ្លូវជាតិលេខ៣ (មិនស្គាល់ភូមិឃុំ)ក្នុងតម្លៃ៦០០.០០០៛(ហុកសិបម៉ឺនរៀល) ហើយជនសង្ស័យ បានសារភាពទៀតថា ខ្លួនធ្លាប់លក់ថ្នាំញៀនបានរយះពេល០៤ខែ ហើយ។ បន្ទាប់ពីសួរនាំរួចកម្លាំងសមត្ថកិច្ចក៏បញ្ជូនជនសង្ស័យ រួមនឹងវត្ថុងតាងទៅកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី។