កាមរីហើមថើបគូទគោយន្តបណ្តាលឲ្យក្មេងស្រីម្នាក់ស្លាប់៣នាក់ទៀតរបួសធ្ងន់ស្រាល នៅស្រុកអូរជុំ

ខេត្តរតនគិរី÷ រថយន្តកាមរីហើមមួយគ្រឿងបោលបុកគូទគោយន្តកែច្នៃចតលើចិញ្ចើមផ្លូវជាតិយ៉ាងពេញទំហឹងបណ្តាលឲ្យក្មេងស្រីម្នាក់បានស្លាប់នឹង៣នាក់ផ្សេងទៀតរបួសធ្ងន់ស្រាល។

ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៥នឹ៥៨នាទីព្រឹក ថ្ងៃអង្គារ៍ ១២កេីត ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៤ ខែកក្កដា ឆ្នាំ២០១៨ នៅត្រង់ចំណុចទល់មុខផ្ទះជាងខុម តាមបណ្តោយផ្លូវជាតិលេខ៧៨A ស្ថិតនៅភូមិប៉ាអរ ឃំុឯកភាព ស្រុកអូរជំុ ។

នគរបាលប៉ុស្តិ៍ឯកភាពបានឲ្យដឹងថា ជនបង្កឈ្មោះ ប៉េង សុខលី ភេទប្រុស អាយុ២៧ឆ្នាំ ជនជាតិខ្មែរ មុខរបរលក់ដូរមានទីលំនៅភូមិកាតែ ឃំុប៉ាតេ ស្រុកអូរយ៉ាវដាវ ខេត្តរតនគិរី រងរបួសស្រាល។ បើកបររថយន្តមួយគ្រឿងម៉ាក កាមរីហើម ពណ៌សំបកឪឡឹក ពាក់ស្លាកលេខ បន្ទាយមានជ័យ 2A-2257 ក្នុងទិសដៅស្របគ្នាពីកើតទៅលិច ខណ:ពេលនោះអ្នកបើកបររថយន្តបានជ្រុលចង្កូតទៅបុកគូទគោយន្តកែច្នៃកំពុងចតនៅលើចិញ្ចើមផ្លូវជាតិ។

ចំណែកអ្នករួមដំណេីរនៅក្នុងរថយន្ត ទី១ប្រពន្ធឈ្មោះ ខាំ ស្រីណុំ អាយុ១៨ឆ្នាំ ជនជាតិខ្មែរ រងរបួសធ្ងន់(សន្លប់)។ទី២កូនស្រីឈ្មោះ លី ស្រីពី អាយុ៥ខែ(ស្លាប់)។ទី៣ប្អូនឈ្មោះ ខាំ សុខុម ភេទប្រុស អាយុ១៧ឆ្នាំ ជនជាតិខ្មែរ មុខរបរកសិករ រស់នៅជាមួយគ្នា បានរងរបួសធ្ងន់លីេផ្ទៃមុខ ត្រូវបានដឹកបញ្ជូនទៅព្យាបាលនៅមន្ទីរពេទ្យបង្អែកខេត្ត។

នគរបាលប៉ុស្តិ៍បន្តថា ជនរងគ្រោះជាម្ចាស់គោយន្តមានឈ្មោះ អឿ ភារុណ ភេទប្រុស អាយុ២៧ឆ្នាំ ជនជាតិខ្មែរ មុខរបរកសិករ រស់នៅភូមិទួល ឃំុម៉ាលិក ស្រុកអណ្តូងមាស ខេត្តរតនគិរី។

ក្រោយកើតហេតុនគរបាលមូលដ្ឋានសហការជាមួយនគរបាលចរាចរណ៍ខេត្តចុះមកអន្តរាគមន៍ធ្វើការវាស់វែងយកមធ្យោបាយទាំងពីរគ្រឿងទៅរក្សាទុកនៅការិយាល័យចរាចរណ៍ខេត្តដើម្បីរងចាំធ្វើការដោះស្រាយនៅពេលក្រោយ៕ដោយ តាជួង