កិច្ចប្រជុំសាមញ្ញលើកទី១៦ អាណត្តិទី៣ របស់ក្រុមប្រឹក្សាខេត្តរតនគិរី

នៅព្រឹកថ្ងៃទី៥ ខែតុលា ឆ្នាំ២០២០ រដ្ឋបាលខេត្តរតនគិរី បានរៀបចំកិច្ចប្រជុំសាមញ្ញលើកទី១៦ អាណត្តិទី៣ របស់ក្រុមប្រឹក្សាខេត្តក្រោមអធិបតីភាព ឯកឧត្តម ណាប់ ប៊ុនហេងប្រធានក្រុមប្រឹក្សាខេត្ត និងឯកឧត្ដម ថង សាវុន អភិបាលខេត្ត ដោយមានការចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត គណៈអភិបាលរងខេត្ត នាយក-នាយករងរដ្ឋបាលខេត្ត ទីចាត់ការសាលាខេត្ត និងមន្រ្តីពាក់ពន្ធរបស់សាលាខេត្តមួយចំនួនផងដែរ។

មានប្រសាសន៍ក្នុងកិច្ចប្រជុំ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត បានបើកកិច្ចប្រជុំ និងលើរបៀបវារៈរួមមាន ៖
១-ពិនិត្យ​ និងអនុមត័​ សេចក្តីព្រាងកំណត់ហេតុនៃកិច្ចប្រជុំសាមមញ្ញលេីកទី១៥ អាណតិ្តទី៣​ របស់ក្រុមប្រឹក្សាខេត្ត​
២-ពិនិត្យ​ ពិភាក្សា​ ចូលរួមផ្តល់យោបល់​ និងអនុម័តលេីសេចក្តីព្រាងរបាយការណ៏ប្រចាំខែកញ្ញា និងលេីកទិសដៅការងារខែបន្ទាប់របស់រដ្ឋបាលខេត្តរតនគិរី
៣-បញ្ហាផ្សេងៗ​។

បន្ទាប់មក​ ក៏មានការចូលរួមមតិយោបល់ពីសមាជិក សមាជិកានៃអង្គប្រជុំយ៉ាងផុសផុល ក្នុងនោះបានលើកឡើងនូវបញ្ហាផ្សេងៗជាច្រេីន និងជាពិសេសបញ្ហាជំងឺ covid 19 ដើម្បីអោយអង្គប្រជុំ ត្រូវយកចិត្តទុកដាក់លើបញ្ហាប្រឈមខាងលើនេះ ធ្វើការពិភាក្សា និងដោះស្រាយអោយបានសមស្រប និងទាន់ពេលវេលា។

ក្នុងនោះដែរ​ ឯកឧត្តមប្រធានក្រុមប្រឹក្សាខេត្ត ក៏សូមអោយអាជ្ញាធរមូលដ្ឋានពាក់ព័ន្ធទាំងអស់ បន្ដពង្រឹងគោលនយោបាយភូមិឃុំ មានសុវត្ថិភាព ខិតខំបម្រើសេវាសាធារណៈ ពិនិត្យ និងដោះស្រាយរាល់បញ្ហាវិវាទនៅមូលដ្ឋានជូនប្រជាពលរដ្ឋឲ្យបានល្អប្រសើរ។

ឯកឧត្តម បានវាយតម្លៃខ្ពស់​ ចំពោះការខិតខំប្រឹងប្រែងរបស់គណៈអភិបាលខេត្ត មន្ទីរអង្គភាពនានាជុំវិញខេត្ត ដែលបានខិតខំប្រឹងប្រែងបំពេញការងារ យ៉ាងយកចិត្តទុកដាក់ ក្នុងការបម្រើប្រជាពលរដ្ឋនៅមូលដ្ឋានបានទាន់ពេលវេលា ចូលរួមធ្វើឲ្យខេត្តមានការរីកចម្រើនជាបន្ដបន្ទាប់ និងសូមឲ្យចូលរួមខិតខំប្រឹងប្រែងជាបន្តទៀត ដើម្បីលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែរីកចម្រើនបន្ដទៀត ៕