ពិធីក្រុងពាលីសាងសង់អាគារប៉ុស្តិ៍រដ្ឋបាលនគរបាលសង្កាត់គយត្របែក ក្រុង/ខេត្តស្វាយរៀង

ស្វាយរៀង​ ៖​ នាព្រឹកថ្ងៃចន្ទ ១៥រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង​ និងជាប្រធានគណៈបញ្ជាការឯកភាពខេត្ត​ បានអញ្ជើញជាអធិបតីក្នុងពិធីក្រុងពាលីសាងសង់អាគារប៉ុស្តិ៍រដ្ឋបាលនគរបាលសង្កាត់គយត្របែក ក្រុងស្វាយរៀង ខេត្តស្វាយរៀង។ ដែលពិធីនេះមានការអញ្ជើញចូលរួមពី លោកស្នងការនគរបាលខេត្ត លោកប្រធានមន្ទីរ-អង្គភាពនានាក្នុងខេត្ត លោកនាយករដ្ឋបាលសាលាខេត្ត​ លោកនាយកទីចាត់ការ/អង្គភាពចំណុះសាលាខេត្ត លោកអភិបាល អភិបាលរងក្រុង លោកចៅសង្កាត់ ក្រុមប្រឹក្សាសង្កាត់​ អាជ្ញាធរដែនដីពាក់ព័ន្ធ និងប្រជាពលរដ្ឋជាច្រើនរូបទៀត។

សូមបញ្ចាក់ថា អាគារប៉ុស្តិ៍រដ្ឋបាលនគរបាលសង្កាត់គយត្របែក ដែលបានរៀបចំពិធីក្រុងពាលីសាងសង់នៅព្រឹកនេះ គឺជាសមិទ្ធិផលថ្មីមួយទៀត ដែលរដ្ឋបាលខេត្តស្វាយរៀងសម្រេចបាន ស្របតាមទិសដៅអភិវឌ្ឍន៍ របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ក្នុងការបម្រើឱ្យការការពារ សន្តិសុខ សុវត្ថិភាព និងការផ្តលសេវាជូនដល់ប្រជាពលរដ្ឋ​ ៕