ពិធីបើកការរដ្ឋានជួសជុលផ្លូវក្រាលក្រួសក្រហម ប្រវែង ១២គីឡូម៉ែត្រ នៅឃុំខ្ទុំក្រាំង ស្រុកសំរោងទង
កំពង់ស្ពឺ ៖ នាព្រឹកថ្ងៃទី០៦ ខែធ្នូ ឆ្នាំ២០១៩ ឯកឧត្ដម វ៉ី សំណាង អភិបាល នៃគណៈអភិបាលខេត្តកំពង់ស្ពឺ និងលោកជំទាវ ខេង សំវ៉ាដា រដ្ឋលេខាធិការក្រសួងកិច្ចការនារី និងជាប្រធានក្រុមការងារថ្នាក់ជាតិចុះមូលដ្ឋានស្រុកសំរោងទង បានអញ្ជើញជាអធិបតី ក្នុងពិធីបើកការរដ្ឋានសាងសង់ផ្លូវក្រាលក្រួសក្រហម ១ខ្សែប្រវែង១២គីឡូម៉ែត្រ ឆ្លងកាត់ភូមិច្រកបានសុខ ភូមិក្វាន និងភូមិស្រីសំពោង ស្ថិតក្នុងឃុំខ្ទុំក្រាំង ស្រុកសំរោងទង ក្រោមការឧបត្ថម្ភថវិកាផ្ទាល់របស់ឯកឧត្ដម កែវ បេងវឌ្ឍន៍ ប្រតិភូរាជរដ្ឋាភិបាលទទួលបន្ទុកអគ្គនាយក នៃនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិនៃក្រសួងសេដ្ឋកិច្ច និងហិរញ្ញវត្ថុ ៕
