នារីវ័យក្មេងម្នាក់បើករថយន្តជាន់ជាន់ហ្គាស្មានថាហ្វ្រាំងហោះទៅបុកបង្គោលភ្លើង ទៅមុខលែងរួច

ភ្នំពេញះ នារីវ័យក្មេងម្នាក់បានបើករថយន្តមួយគ្រឿងម៉ាក លុចស៊ីសRX400 ពីលិចមកកើតតាមបណ្ដោយផ្លូវលេខ360 បម្រុងឡើងមកផ្លូវធំ ព្រះនរោត្តមមិនទាន់ឡើងនិងផ្លូវធំផងក៏ច្រឡំជើងជាន់ហ្គាស្មានតែហ្រ្វាំងក៏ហោះទៅបុកនឹងបង្គោលភ្លើងពេញទំហឹងបណ្ដាលឲ្យរងការខូចខាតជំហៀងខាងមុខផ្នែកខាងស្ដាំទៅមុខលែងរួច ។

ហេតុការណ៍នេះបានកើតឡើងកាលពីវេលាម៉ោង2 និង 15 នាទីត្រូវនឹងថ្ងៃ6ខែកក្ដដាឆ្នាំ 2019 ស្ថិតតាមបណ្ដោយផ្លូវលេខ 360ក្នុងសង្កាត់បឹងកេងកង 1 ខណ្ឌបឹងកេងកងរាជធានីភ្នំពេញ។

តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញនារីវ័យក្មេងម្នាក់រួមដំណើរជាមួយមិត្តភក្កិជិះរថយន្តមួយគ្រឿងម៉ាកលុច្សស៊ីសrx400ពណ៌សពាក្យស្លាកលេខភ្នំពេញ2-AM-1771បានធ្វើដំណើរពីលិចមកកើតតាមបណ្ដោយផ្លូវលេខ 360លុះមកដល់ចំណុចកើតហេតុខាងលើក៏ច្រឡំជាន់ហ្គាស្មានតែជាន់ហ្វ្រាំងទើបរថយន្តរបស់ខ្លួនហោះទៅបុកនឹងបង្គោលភ្លើងបណ្ដាលឱ្យរងការខូចខាតទៅមុខលែងរួចរីឯអ្នកបើកបរនិងមិត្តភ័ក្ររួមដំណេីរមិនមានអ្នកណាម្នាក់រងរបួសនោះទេ។

ក្រោយពេលកើតហេតុសមត្ថកិច្ចមូលដ្ឋានក៏បានចុមកដល់ដើម្បីធ្វើការវាស់វែងរួចយករថយន្តទៅរក្សាទុកនៅឯចរាចរណ៍ជើងគោករង់ចាំម្ចាស់ចូលខ្លួនទៅដោះស្រាយចំពោះមុខច្បាប់៕