បើកបរក្នុងស្ថានភាពស្រវឹង បុកគល់ស្ពានធ្លាក់ទឹកស្លាប់

កោះកុង : បុរសម្នាក់បានបើកបរក្នុងស្ថានភាពស្រវឹងជោគជាំ ទៅបុកគល់ស្ពាន ធ្លាក់ទឹកស្លាប់យ៉ាងអាណោចអាធ័ម ។

ហេតុការណ៍គ្រោះថ្នាក់ចរាចរណ៍មួយនេះបានកើតឡើងនៅម៉ោង២.១៥នាទីយប់ ឈានចូលថ្ងៃទី ២៩ ខែមីនាឆ្នាំ ២០១៩ ត្រង់ចំណុចក្បែរសណ្ឋាគារកោះកុងបេយ៍ ស្ថិតក្នុងភូមិ 1 សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។

សមត្ថកិច្ចបានឲ្យដឹងថាឈឺជនរងគ្រោះមានឈ្មោះ អន រីម ប្រុសអាយុ ៣៥ឆ្នាំ ជនជាតិខ្មែរ មុខរបរបុគ្គលិកកាស៊ីណូ L.Y.P មានទីលំនៅបច្ចុប្បន្ន ភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង បានបើកម៉ូតូម៉ាកDream C125 ឆ្នាំ ២០១៤ ពណ៌ខ្មៅ ពាក់ស្លាកលេខកោះកុង1A.1434 ។

សមត្ថកិច្ចបានអោយដឹងទៀតថា សាកសពជនរងគ្រោះត្រូវបានរក្សាទុកនៅមន្ទីរពេទ្យបង្អែកខេត្តកោះកុង ដើម្បីរងចាំសាច់ញាតិមកទទួល រីឯម៉ូតូត្រូវបានសមត្ថកិច្ចយកមករក្សាទុកនៅអធិការរដ្ឋានក្រុងខេមរភូមិន្ទ ៕